«TikTok»-ը և իր չինական մայր ընկերություն «ByteDance»-ը համաձայնել են վճարել 400 մլն դոլար՝ ԱՄՆ արդարադատության նախարարության այն մեղադրանքները կարգավորելու համար, որոնց համաձայն՝ կարճ տեսանյութերի հարթակը խախտել է երեխաների առցանց գաղտնիության պաշտպանության պահանջները։
ԱՄՆ արդարադատության նախարարությունը 2024թ․ դատական հայց էր ներկայացրել «TikTok»-ի և «ByteDance»-ի դեմ՝ պնդելով, որ ընկերությունները չեն ապահովել երեխաների գաղտնիության պատշաճ պաշտպանությունը և ապօրինաբար հավաքագրել են նրանց անձնական տվյալները։
Ընկերություններին մեղադրում էին այն օրենքի խախտման մեջ, որը մինչև 13 տարեկան օգտատերերի անձնական տվյալները մշակելու համար առցանց ծառայություններից պահանջում է ստանալ ծնողների համաձայնությունը։
Նյութը տրամադրել է Հեռուստատեսության և ռադիոյի հանձնաժողովը
