«Ի՞նչ է եղել այդ տղային: Պետական ապարատից հարյուրավոր աշխատողներ են պաշտպանում»,-այսօր կառավարության նիստից հետո լրագրողների հետ ճեպազրույցում հարցին, թե ինչպե՞ս է վերաբերում Երեւանի քաղաքապետ Տարոն Մարգարյանի պաշտպանությանը, ասաց Գիտությունների ազգային ակադեմիայի (ԳԱԱ) նախագահ Ռադիկ Մարտիրոսյանը:
Նրա խոսքերով` «Անկախ դիրքից ու պաշտոնից` մարդ եթե գիտության մեջ ասելիք ունի, կարող է ասել, դա չպիտի դառնա շահարկումների եւ քննարկումների առարկա»:
Դիտարկմանը`իսկ եթե նրանց փոխարեն արդեն գրվում եւ մատուցվում է այդ ասելիքը, ԳԱԱ նախագահն ասաց, որ դա արդեն գիտական խորհուրդն իր գիտնականների կազմով կորոշի պաշտպանությունը դրակա՞ն է, թե՞ բացասական. «Պարտադիր չէ, որ պաշտպանեն ու վերջ, պաշտպանել՝ դա պիտի դրական լինի, չի բացառվում, որ պաշտպանությունից հետո խորհուրդը չընդունի»:
Լրագրողների այն դիտարկմանն էլ, որ որպես կանոն՝ պաշտոնյաներինն ընդունվում է դրական, Ռադիկ Մարտիրոսյանն ասաց.«Դե չէ, լավ էլի, էդպես չէ»: Երբ լրագրողները հետաքրքրվեցին, թե եղե՞լ է, դեպք, որ պաշտոնյաները չեն կարողացել պաշտպանել իրենց գիտական թեզը, ԳԱԱ նախագահը չկարողացավ նման դեպք հիշել, ասաց` չգիտեմ, չեմ հիշում:
Կարդացեք նաև
«Ես կարծում եմ անուղղակի չափազանցված է այս աղմուկը քաղաքապետի պաշտպանության մասին»:
Նելլի ԲԱԲԱՅԱՆ
Տեսանյութը՝ a1plusnews-ի
