ԱՄՆ-ում Հայաստանի դեսպանատանը մոտ կանգնած աղբյուրներն «Առավոտին» տեղեկացրին, որ դեսպան Ռուբեն Շուգարյանը նամակ է ուղարկել նախագահ Ռոբերտ Քոչարյանին, արտգործնախարար Վարդան Օսկանյանին եւ էլի որոշ պաշտոնատար անձանց, որում նշել է, թե ամերիկյան կողմը պահանջում է հստակեցնել տեսակետը Ղարաբաղի հիմնախնդրի, «Մեծ մետաքսի ճանապարհի» եւ տարածաշրջանային զարգացումներին առնչվող մի շարք այլ խնդիրների վերաբերյալ։ Հակառակ դեպքում ԱՄՆ-ը կարող է կոշտացնել դիրքորոշումները։
ԶԲՈՍԱՆԱՎԸ ՍՊԱՍՈՒՄ ԷՐ ՆԱԽԱԳԱՀԻՆ
Ֆրանսիայի Նիս քաղաքից Հայաստան հասնող տեղեկությունները բավականին հետաքրքիր են։ Հիշեցնենք, որ այնտեղ հանգստանում է հանրապետության նախագահ Ռոբերտ Քոչարյանը։ Ականատեսի վկայությամբ, նա սիրում է ծովի վրա շրջել զբոսանավով։ Նշենք, որ այն ոչ թե Սեւանից է տարվել, այլ՝ պատկանում է բրիտանահայ մեծահարուստ Վաչե Մանուկյանին։
ԱՍԱՏՐՅԱՆԸ ԳԵՐՄԱՆԻԱՅՈ՞ՒՄ
Կարդացեք նաև
Ըստ մեր տեղեկությունների, Հայաստանի տարածքը լքել է Կենտրոնական բանկի նախկին նախագահ Բագրատ Ասատրյանը։ Ըստ նույն աղբյուրի, նա այժմ Գերմանիայում է, ուր միջին ազդեցության դիրքեր ունեն նրա կնոջ ազգականները։ Ճշտվում է այն լուրը, թե Բագրատ Ասատրյանը հարցազրույց է տվել գերմանական մամուլին ու հայտարարել, որ ինքը Հայաստանից հեռացել է իբրեւ ընդդիմադիր կուսակցության անդամ քաղաքական հետապնդումների ենթարկվելու պատճառով։
