«Մայիսի 30-ի Հայաստանի խորհրդարանական ընտրությունները նշանակալից քայլ են դեպի Եվրախորհրդի չափանիշները։ Սա հաստատում է, որ Հայաստանը կարող է դառնալ Եվրախորհրդի լիարժեք անդամ»։ Այսպիսի եզրակացության են հանգել մայիսի 30-ի ընտրությունները «դիտելուց» հետո ԵԱՀԿ դիտորդները։
Ավելի մանրամասն՝ էջ 3։
ՃՈՅՏԸ, ՆԱՊՈՆ ԵՎ ՌՈԲԵՐՏ ԱՄԻՐԽԱՆՅԱՆԸ
Կարդացեք նաև
Ինչպես հայտնի է, փայլուն հաջողությունների են հասել այս ընտրություններում թաղային հեղինակությունները։ Պատգամավորներ են դարձել Խուճուճ Էդոն, Ճոյտը, Նապոն, Սերվիսի Անդոն, Ծաղիկ Ռուբոն, Լեդի Հակոբը, Ալրաղացի Լյովը, Յարմրկի Սամոն եւ մի շարք այլ ականավոր գործիչներ, որոնք աչքի են ընկնում բարձր ինտելեկտով եւ լայն մտահորիզոնով։ Նրանց կողքին օրինաստեղծ աշխատանքով է զբաղվելու ժողովրդի կողմից սիրված կոմպոզիտոր Ռոբերտ Ամիրխանյանը։
ՊՊԶԱԾ ԱԺ
Ըստ ԱԺ միջանցքներից ստացված լուրերի, Խոսրով Հարությունյանի վերջին հրամանագրով Ազգային ժողովի նիստերի դահլիճից հանում են աթոռները։ Ինչո՞ւ, որովհետեւ՝ ընտրվող կազմից դատելով՝ ռազբիրատները պպզած են լինելու։
ՃԱՆԱՉՎՈՂ ԷԼԵԿՏՈՐԱՏ
Տեղամասային ընտրական հանձնաժողովների անդամները պնդում են, թե շատ հեշտ էր ճանաչել «Հզոր հայրենիք» կուսակցության համար քվեարկելու եկածներին, եւ այդպիսով նախապես իմանալ, թե քանի ձայն ունի այդ կուսակցությունը։ Բանն այն է, որ վիրահայերի մեծ մասը այդպես էլ դեռեւս շարունակում է գործածել Վրաստանի տարածքում ստացած անձնագրերը։
