Շարունակվում են փնտրտուքները, թե նոր խորհրդարանի կազմի համեմատ ինչ փոփոխություններ է կրելու օրինաստեղծ աշխատանքը։ Այսպես, ԱԺ 3-րդ սխոդկայի առաջին եռօրյա ռազբիրատների ժամանակ կընդունվի «ՀՀ օրենքը պատգամավորներին սխալ հանելու մասին»։ Գուցե օրենքները «քսիֆներ» վերանվանվեն։ Կընտրվեն մշտական հանձնաժողովներ նայողները։ Այս ամենը ժողովրդի ընտրյալները կորոշեն՝ ճկույթներով սեղմելով «հարց չկա» (այո), «ձեւ չկա» (ոչ) կամ «քյաստըմ» (ձեռնպահ) կոճակները։ ԱԺ բուֆետի ճաշացանկում արդեն իսկ նոր կազմի ճաշակի համեմատ փոփոխություններ են արվել՝ ներառելով «խաշ» եւ «չեֆիր» կերակրատեսակները։ Բացառված չէ նաեւ «բալանդան»։
ՎԱՏ ԼՈՒՐ
Երեկ ողջ օրն «Առավոտին» անընդհատ լուրեր էին հասնում, թե վարչապետն արդեն իսկ դիմում է գրել, իր առանձնասենյակը 3 օր է՝ ազատել է, կառավարությունը հրաժարական է ներկայացրել։ Արմեն Դարբինյանի նոր պաշտոնն էլ էին արդեն նշում, թե ինչ-որ կարգավիճակ են սահմանելու, որ նա աշխատի միջազգային կազմակերպությունների հետ, որոնք նրան շատ են վստահում։ Ավա՜ղ, վարչապետի եւ նախագահի մամուլի գրասենյակներին մեր հարցումները ցույց տվեցին, որ այդ բոլոր լուրերն առայժմ իրականությունից առաջ են անցել։ Ինչպես հանրահայտ երգում է ասվում. «Դիմացեք, հայեր»: Քիչ մնաց:
