«Առավոտը» տեղեկացավ, որ ՆԳ նախարար Սուրեն Աբրահամյանն էլ է հոկտեմբերի 27-ի ամբողջ գիշերը ՊՆ-ում անցկացրել։ Նրա այնտեղ լինելը խիստ կարեւորում էին ներքին զորքերի եւ բանակի համաձայնեցված գործողություններն ու համագործակցությունն ապահովելու իմաստով։ Ասենք, օդանավակայանի, ատոմակայանի կամ Հայաստանի ազգային հեռուստատեսության անվտանգությունը որոշել էին ներքին զորքերի միջոցով ապահովել։ Եվ հեղաշրջման հնարավոր շարունակության դեպքում ներքին զորքերի ստորաբաժանումներին օգնության կհասներ բանակը։
Կարդացեք էջ 3։
«ՀԱՎԱՔՎԵԼ ԷԻՆ ՄԻՄՅԱՆՑ ՁԱՅՆ ՏԱԼՈՎ»
Կարդացեք նաև
Վահան Շիրխանյանի «Առավոտին» տված հարցազրույցից դուրս մնացած այս հատվածը բացատրություն էր հոկտեմբերի 28-ի առավոտյան ՊՆ-ում հավաքի վերաբերյալ. «Հրավիրվել էին բոլորը՝ ում հասցրել, զանգել էին։ Եվ ոչ այնքան առանձին անվանական հրավերներ էին եղել, որքան մեկը մյուսին տեղեկացնելով էին հավաքվել։ Ես համարում եմ, որ ՊՆ էին եկել առաջին հերթին այն մարդիկ, ովքեր Վազգեն Սարգսյանի հետ ընկերական եւ բարեկամական կապեր ունեին։ Եկել էին բանակին հանգստացնելու, քանի որ գիտեին, թե ինչ է կատարվում։ Եվ նրանք ՊՆ-ում շուրջ 30 րոպե էին մնացել։ Ես նրանց 3 րոպե եմ տեսել, քանի որ հնարավոր չէր այդ վիճակում նստել, երկար խոսել։ Նախարարը նրանց ընդհանրապես չի հանդիպել»։
ԴԱՇՆԱԿՑԱԿԱՆՆԵՐԸ ԳՈՒՑԵ ՄԱՄՈՆՏՆԵՐԻ՞Ն ԵՆ ՊԱՐՏՎԵԼ
«Ժողովրդավարական հայրենիք» կուսակցության գրասենյակից ի պատասխան նոյեմբերի 16-ի «Հայոց աշխարհ» օրաթերթում «ավելի հեշտ է կենդանի մամոնտի հանդիպել, քան այդ կուսակցության անդամի» պնդման առնչությամբ հայտնեցին, որ տեղական ինքնակառավարման ընտրություններում «Ժողովրդավարական հայրենիք» կուսակցությունից գյուղապետ եւ թաղապետ են ընտրվել 8 համայնքներում, որից մեկը՝ Երեւանի Աջափնյակ համայնքում եւ ավագանու 18 անդամներ՝ տարբեր համայնքներում։ Ընդ որում, նշված համայնքներից 5-ում հաղթել են դաշնակցության ներկայացուցիչներին, որոնք են՝ Շիրակի մարզի Սարատակ, Նոր կյանք, Պեմզաշեն եւ Արագածոտնի մարզի Փարպի գյուղերում եւ Երեւանի Աջափնյակի համայնքում։
