Մինսկի խմբի նախկին համանախագահ Վլադիմիր Կազիմիրովն այժմ դարձյալ նույն խմբում է՝ արդեն որպես ՌԴ ներկայացուցիչ։ Պրն Կազիմիրովը նախկինում մեծ ջանքեր էր ներդրել հայ-ադրբեջանական բանակցություններ սկսելու համար եւ հուսանք, որ այժմ էլ նրա գործունեությունը նույնչափ արդյունավետ կլինի։
ՎԱՏ ԼՈՒՐ
Երեւանի ջրմուղի համակարգը կարող է սարսափելի վիճակում լինել, բայց դա առանձնապես ցավով չի ընկալվի, մինչեւ կառավարումը չհանձնեն իտալացիներին։ Եվ մամուլն ու քաղաքական շրջանակները կսկսեն աղմկել, թե ռազմավարական կարեւորության օբյեկտները տալիս են օտարերկրացիների տնօրինմանը։ Գրադարանների, գրքերի պահպանման վիճակը կարող է ահավոր լինել՝ սա էլ առանձնակի մտահոգության առարկա չէ։ Բայց ահա գրքերի որոշ խմբաքանակ գերմանացիներին փոխանցելու վերաբերյալ որոշում կայացվեց ու սկսվե՜ց… Վատ է, երբ առաջնորդվում ենք՝ «Փչացած լինի, մերը լինի» սկզբունքով։
