ՀԱՀ-ի կալանավորված փոխտնօրեն Հարություն Հարությունյանի շահերի ներկայացուցիչ, փաստաբան Ժորա Խաչատրյանը փետրվարի 1-ին զբաղվածությունը վկայակոչելով հրաժարվել է պաշտպանությունից։ Այժմ Հարություն Հարությունյանը պայմանագիր ունի փաստաբան Ռուբեն Ռշտունու հետ։
ԿՆՇԱՆԱԿԻ «ԻՐ ՄԱՐԴԿԱՆՑ»
Ճշտված լուրերի համաձայն, 2000 թվի փետրվարի 14-ից ՀՀ պետական եկամուտների նախարարությունում կադրային որակավորում (ատեստացիա) է նախատեսվում։ Ատեստավորումը պետք է կատարվի նախարարությունում մեկ տարուց ավել աշխատանքային ստաժ ունեցող աշխատակիցների միջեւ։ Պետական եկամուտների նախարար Սմբատ Այվազյանը դեռեւս մեկ տարի էլ չկա, ինչ այդ ոլորտում նախարար է։ Այսինքն՝ իր նախարարության օրոք նշանակված մարդկանց ատեստավորման վտանգ չի սպառնում։ Ի դեպ, որակավորման հանձնաժողովի նախագահն է պետական եկամուտների փոխնախարար Արմեն Ալավերդյանը, որն, ըստ մեր աղբյուրի, նախարար Ս. Այվազյանի ուսանողական ընկերն է։
Կարդացեք նաև
ԵՎ ԹՈՂ ՄԵԶ ՄԵՐ ՊԱՐՏՔԵՐԸ
Չորս օր առաջ դադարել էր Ռուսաստանից Հայաստան մատակարարվող գազի հոսքը (օրական ՌԴ-ից Հայաստանը ստանում է 5 մլն խմ գազ)։ Հայկական կողմի բանակցությունների արդյունքում գազի հոսքը վերականգնվեց, սակայն Հայաստանը Ռուսաստանին պարտք է 5-6 մլն դոլար, որը մինչեւ մարտ չվճարելու դեպքում գազի մատակարարումը նորից կդադարեցվի։
