Անցած տարվա սեպտեմբերին կենտրոնական բանկի նախագահ Տիգրան Սարգսյանը դիմել էր Արաբկիրի ՆԳ բաժնին, հայտնելով, որ իր կնոջ տանը գողություն է կատարվել, անհետացել է ջեռուցման խողովակին զոդված փոքրիկ սեյֆը։ Երբ ոստիկանները հարցրել էին, թե ինչքան գումար կար սեյֆում, պրն Սարգսյանը պատասխանել էր. «Շատ»։ Ի վերջո արձանագրվել էր, որ գողացվել է 50 հազար դոլար։ Մինչ այժմ այս գործը բացահայտված չէ։
ՄԵԾ ՂԱՐԱԲԱՂՑԻՆ՝ ՀԱՅՐԵՆԻ ԵԶԵՐՔՈՒՄ
Ի պաշտպանություն մեկ տարի ազատազրկման դատապարտված լրագրող Վահրամ Աղաջանյանի՝ Արցախի պետական եւ մասնավոր ԶԼՄ-ների ներկայացուցիչները երեկ հայտարարություն էին պատրաստել, սակայն հասցեատիրոջը՝ վարչապետ Անուշավան Դանիելյանին, այն չի տրվել, քանի որ ողջ Ղարաբաղը երեկ սպասում էր իր զավակի՝ ՀՀ նախագահ Ռ. Քոչարյանի այցին։ Ի դեպ, նախագահն այժմ Ղարաբաղում է։ Մեր ունեցած տվյալներով՝ նրան ընկերակցել են պաշտպանության նախարար Վաղարշակ Հարությունյանը եւ փոխնախարար Մանվել Գրիգորյանը:
Կարդացեք նաև
ՀՐԱՊԱՐԱԿԻ ԱՆՎԱՆԱԿՈՉՈՒՄ
Ապրիլի 15-ին Չարենցավանի հրապարակը կանվանակոչվի՝ «Կարեն Դեմիրճյան»։ Հրապարակի բացմանը հրավիրված է ՀԺԿ վարչության նախագահի պաշտոնակատար Ստեփան Դեմիրճյանը։
ՆՈՐԱԹՈՒԽ ԿՈՒՍԱԿՑԱԿԱՆԸ
Իրավագետ Վլադիմիր Նազարյանը մոտ օրերս կհամալրի ՀԺԿ անդամների շարքերը։
