Մեկուսարանում մահացած Նորայր Եղիազարյանին վերագրվող դերի առնչությամբ, թե նա միջնորդ է եղել հոկտեմբերի 27-ի հանցագործության կատարողների եւ պատվիրատուների միջեւ՝ հետեւաբար պատահական չէր նրա մահը, զինդատախազ Գագիկ Ջհանգիրյանն ասաց. «Կծանոթանան գործի նյութերին՝ կպարզվի, որ Նորայր Եղիազարյանն այդպիսի դեր չի ունեցել այս գործի մեխանիզմի մեջ։ Նրանից ուղղակի զենք են գնել՝ դրամական փոխհատուցմամբ։ Այսքանն է»։
ՀԱՑԱԴՈՒԼ ԱՆՈՒՄ ԷԻՆ ՆՐԱՆՔ, ՈՎՔԵՐ…
«Հոկտեմբերի 30-ին կալանավայրերում գտնվող քաղաքական գործիչները մեկօրյա հացադուլ էին անում, նշում իրենց նվիրվածությունն այն գաղափարներին, որոնց համար իրենց կալանավայր էին տարել։ Բնականաբար, նրանք, ովքեր որ ներման դիմում էին գրել, մեղայականով էին հանդես եկել դատարաններում, այդ օրը հացադուլ չէին անում, եւ հոկտեմբերի 30-ը կալանավայրերում դարձավ լակմուսի թղթի պես մի բան»,- երեկ ասուլիսի ժամանակ ասաց նախկին քաղբանտարկյալ Պարույր Հայրիկյանը։
Կարդացեք նաև
ՎԵՐՋԸ ԵԿԵ՞Լ Է
«Առավոտի» բարեկամ մի բանաստեղծի կարծիքով Արկադի Վարդանյանի հրավիրած հանրահավաքը Ռոբերտ Քոչարյանի կործանման սկիզբն է։
ԵՐԿՈՒՍՆ ԷԼ
Գագիկ Ջհանգիրյանը հայտնեց, որ հոկտեմբերի 27-ի գործի առնչությամբ մանրամասն հարցաքննվել են ե՛ւ Սերժ Սարգսյանը, ե՛ւ հանրապետության նախագահը։
