«Ռոբերտ Քոչարյանը Երեւանից վերադառնալիս օդանավայականում ձերբակալվել է։ Նրան մեկ ժամ տեւող քաշքշուկից հետո տնային կալանքի են ենթարկել»,- այս մասին հաղորդել է «Հայքը»։
ԲԱՐԻՇԵՑԻՆ
«Առավոտին» հասած լուրերի համաձայն՝ խորհրդարանում ներկայացված քաղաքական ուժերը, ներառյալ «Միասնությունը», վերջնական պայմանավորվածության են եկել ընտրական համակարգերի հարաբերակցության վերաբերյալ՝ 94 համամասնական, 37 մեծամասնական սկզբունքով։
Կարդացեք նաև
ՀԱՅԱՍՏԱՆԸ ՊԱՐԱՐՏ ՀՈՂ Է ԱՀԱԲԵԿՉՈՒԹՅԱՆ ՀԱՄԱՐ
«Ահաբեկչության համար Հայաստանում պարարտ հող կա։ Դա մեր պատմական անցյալն է, ստեղծված ծանր իրավիճակից արմատական եւ էքստրեմիստական մեթոդներով դուրս գալու հասարակության ձգտումը, ազգային անվտանգության թույլ համակարգն ու թափանցիկ սահմանները։ Այս պայմանների առկայությունը կարող է գայթակղիչ լինել նաեւ միջազգային ահաբեկչական կառույցների համար, որոնք դեմ չեն լինի Հայաստանում կենտրոններ ունենալ»,- նկատեց Տիգրան Հակոբյանը։
ՉՀԱՍՆԻ՞ 600-Ի
Դրամի փոխարժեքը դոլարի նկատմամբ աղետալիորեն աճում է՝ անցնելով արդեն 560-ից, որ նախատեսված ինֆլյացիայի բոլոր սահմաններից դուրս է։ Նման դեպքերում Կենտրոնական բանկը որոշակի չափով արտարժեք էր վաճառքի հանում, այսպիսով կայունացնելով դրամը։ Սակայն ԿԲ նախագահ Տիգրան Սարգսյանը գործուղում ձեւակերպելով Ամստերդամ, ըստ լուրերի՝ մեկնել է Իսպանիա իր տիկնոջ մոտ։ Եվ նրա բացակայությամբ ԿԲ-ում որեւէ մեկը նման որոշման պատասխանատվությունը չի ստանձնում։
ԹԵՐՍՆՈՒՄԸ ՊԵՏԱԿԱՆՈՐԵՆ ԱՊԱՀՈՎՎԱԾ Է
Ըստ պաշտոնական տվյալների, սննդի համար նախատեսվող 500 դրամից, ֆինանսների սակավության պատճառով, մեկ կալանավորի վրա օրական միջին հաշվով փաստացի ծախսվում է 250-260 դրամի սնունդ։ Այսինքն, թերսնումը պետականորեն ապահովված է։ Իսկ այդ 250-260 փաստացի ծախսվող սննդից ինչքանն է հասնում կալանավորի ստամոքս՝ «գաղութային գաղտնիք» է։
