![\"\"](\"/pictures/Image/p201-1.jpg\")
Ըստ կոալիցիայում հաստատված «Ընտրական օրենսգրքի» համաձայնեցված նախագծի, մեծամասնական տեղերը պետք է լինեն 41՝ 90 համամասնականի դիմաց: Սակայն հավանական է, որ Հանրապետականը կրկին փորձելու է կատարել «դարձ ի շրջանս յուր» եւ համոզել Դաշնակցությանը, որ պետք է վերադառնալ նախկին 56-75 համամասնությանը: Դաշնակցությունը գտնում է, որ չի կարելի շարունակ խախտել պայմանավորվածությունները: Իսկ մեծամասնական ընտրակարգով ընտրված 34 պատգամավոր երեկ կողմ քվեարկեցին Վիկտոր Դալլաքյանի՝ 100% համամասնության անցնելու առաջարկը օրակարգում ներառելուն։ Երեկ օրվա երկրորդ կեսին Ազգային ժողովը սկսել է «Ընտրական օրենսգրքի» քննարկումը: Այսպես կոչված համաձայնեցված տարբերակից երկու օր առաջ իր ստորագրությունն է հանել «Ազգային միաբանությունը»: Ավելի վաղ նույնն է արել «Արդարություն» դաշինքը:
