Մոսկվայում կայացած 15-րդ հոբելյանական «Միջազգային գինու և թունդ ալկոհոլային խմիչքների» մասնագիտացված մրցույթում Երևանի կոնյակի գործարանի ԱՐԱՐԱՏ տեսականու 20 տարվա հնեցման Նաիրի կոնյակը ստացել է Գրան Պրի մրցանակը և արժանացել ոսկե մեդալի: Մրցույթին, որն անց էր կացվում «Խաղողի և գինու միջազգային կազմակերպության» (International Organisation of Vine and Wine) հովանու ներքո, մասնակցում էին ավելի քան 115 անուն թունդ ալոհոլային խմիչքներ` ներկայացված աշխարհի 15 երկրներից` այդ թվում նաև Պորտուգալիայից, Իսպանիայից, Ռուսաստանից, ԱՄՆ-ից, Ուկրաինայից և Ֆրանսիայից:
Հավելենք նաև, որ 15-րդ հոբելյանական «Միջազգային գինու և թունդ ալկոհոլային խմիչքների» մրցույթի արդյուքներով ԱՐԱՐԱՏ-ը հաղթող է ճանաչվել «Տարվա լավագույն ապրանքանիշ»անվանակարգում:
