Սեպտեմբերի 26-ին Իջեւանում վարչապետի հետ հանդիպման ժամանակ Նոյեմբերյանի համայնքների միության գործադիր տնօրեն Անդրանիկ Վերանյանը առաջադրել է Բագրատաշենում` Վրաստանի հետ սահմանին, հարկային հատուկ ռեժիմ սահմանելու հարցը: Մանավանդ,որ այս տարի սկսվելու է սահմանային անցակետերի արդիականացումը, ինչը թույլ կտա դյուրացնել սահմանով մարդկանց եւ ապրանքների տեղաշարժը: Անդրանիկ Վերանյանի համոզմամբ` Բագրատաշենում հատուկ հարկային ռեժիմը կնպաստի Վրաստանի հետ Տավուշի եւ Լոռու մարզերի ֆերմերների տնտեսական կապերի աշխուժացմանը, հյուսիս-արեւելյան տարածաշրջանում աղքատության նվազմանը: Վարչապետն ասել է, որ կառավարությունն այդ ծրագրի կապակցությամբ եվրոպական կառույցների հետ համագործակցում է: Տիգրան Սարգսյանի վկայությամբ` սակայն մտավախություն կա, որ սահմանին փոքր բիզնեսին տրվող հարկային արտոնություններից կփորձի օգտվել խոշոր բիզնեսը:
Ոսկան Սարգսյան
