Երեկ մեզ հաջողվեց զրուցել նաեւ ոստիկանական զորքերի նոր հրամանատարի՝ Լեւոն Երանոսյանի հետ։
– Պարոն Երանոսյան, տեղյա՞կ եք, որ ոստիկանական զորքերի
հրամանատարի տեղակալ Մանուկյանը մարտի 6-ից կալանավորված է:
– Ես անտեղյակ եմ։ Չեմ կարող այդ հարցին պատասխանել։
Կարդացեք նաև
– Ասում են, որ պաշտոնական դիրքը չարաշահելով զենք ու զինամթերք է հափշտակել։
– Ես չգիտեմ։ Տեղյակ չեմ։
– Իսկ հնարավո՞ր է, որ ձեր օրոք էլ ոստիկանական զորքերի տեղակալները նման բաներ անեն։
– Ա՛յ, դու արդեն տեղը չես բերում։ Ես սիրում եմ ազգս։ Ես սիրում եմ պետությունս։ Եվ ես վիրավորվում եմ, որ դու նման հարց ես ուղղում ինձ։
– Մի վիրավորվեք, ուղղակի ասեք, որ թույլ չեք տա, որ ձեր տեղակալները նման բան անեն։
– Ես չգիտեմ՝ ինչեր եք ասում դուք, ինչից եք տեղեկացված դուք, բայց նման հասկացողություն հիմա չկա, նման տեղեկացված չեմ ես։
– Իսկ դուք պատրաստվո՞ւմ եք ցույցեր, հանրահավաքներ ցրել։
– Ա՛յ, արդեն երկրորդական հարցեր ես տալիս։
– Հետաքրքիր է ձեր մոտեցումը այս հարցին։
– Ով, թեկուզ դուք, այսօր պետությանը դեմ լինեք, պետությանը… Ժողովուրդն է, չէ՞, պետությունը… եթե դուք ուզենաք ժողովրդին դեմ լինեք, պետությանը դեմ լինեք, ձեզ էլ կվիրավորեմ ես։
– Ֆիզիկապե՞ս կվիրավորեք, թե՞ խոսքով:
– Շատ ես խոսում։
Անի ԳԵՎՈՐԳՅԱՆ
Հարցազրույցն ամբողջությամբ՝ «Հայկական ժամանակ»