Հատված ՀՀ Սյունյաց մարզպետ Սուրեն Խաչատրյանի հետ հարցազրույցից:
– Ինչո՞ւ են ձեր թիմակիցները տնետուն ընկած ցուցակագրում բոլոր սյունեցիներին։
– Լսի, դու կարող ա քննիչ ես, ինչ հետաքննություն մետաքննություն, ասա ուսումնասիրություն, էլի։ Էլ վսյո, ժամանակը սպառվեց, եթե մի վայրկյան էլ խոսեցիր, անջատում եմ, «ատբոյ» եմ տալիս։
– Պրն Խաչատրյան, ի վերջո այդ ցացակագրումներից հետո Սյունյաց մարզում ի դեմս Ձեզ ի՞նչ արդյունքներ է ապահովելու ՀՀԿ–ն։
Կարդացեք նաև
– Իմ թիմակիցները հայրենասեր տղերք են, ինչի պիտի նրանք գնան ցուցակներ գրեն։ Իսկ մնացած տոկոսների ու ձայների բանակների մասին, ես քեզ խոստանում եմ ամսի 6-ին, լուսաբացին առաջինը քեզ ասել, թե բանի տոկոս ա ու ինչքան ձայն ա։
– Բայց Դուք բազմիցս մամուլով հայտարարել եք, որ ՀՀԿ-ի համար 80 տոկոս ձայն եք ապահովելու: Հիմա Ձեր ասածը չեք վերահաստատո՞ւմ:
– Ամսի 6-ին, ժամը 10-ին, ես քեզ արդեն լրիվ կասեմ, խոստանում եմ: Տոկոսն էլ, թվերն էլ, ամեն ինչ էլ:
– Պրն Խաչատրյան, իսկ մինչեւ մայիսի 6-ի զարգացումները, կմեկնաբանե՞ք, թե բացի ՀՀԿ-ից (տարածված կարծիքի համաձայն) ինչո՞ւ եք ճնշում գործադրում մյուս քաղաքական ուժերի վրա:
– Ախր ես դրա կարիքը չունեմ: Ես ում եմ ճնշում, նման բան չկա: Կարծում եմ՝ բոլորն էլ գիտեն, որ նման բան չի կարող լինել: Մարզի բոլոր բնակիչներն էլ առաջին հերթին իմ սյունեցիներն են, հետո նոր կուսակցական են: Ես չեմ կարող սյունեցու մի մասին ճնշել, մի մասին չճնշել: Բոլորն էլ ազատ են այս ընտրություններում: Իսկ ընդհանրապես ՀՀԿ-ի գաղափարախոսությունը հենց սյունեցու գաղափարախոսությունն ա:
Գայանե ԶԱՐԳԱՐՅԱՆ
«Չորրորդ ինքնիշխանություն»
