ՀՀԿ պատգամավոր Ռուբեն Հայրապետյանը կարծում է, որ ճիշտ է Փակ շուկան քանդելը: «Որովհետեւ ինքը վթարային վիճակում է, եւ այդ շուկան ինչո՞ւ են «տրագեդիա» սարքել, զարմանում եմ, քանի որ, այդ շուկան նույն ձեւի վերականգնվելու է, ուղղակի ամրացվելու են հիմքերը, որոնք 50-60 տարի , չգիտեմ ինչքան, անընդհատ Կոնդի կոյուղաջրերը լցվել են այնտեղ, ամրացվելու է ու նույն ձեւով սարքվելու է: Ես գոնե հաստատ գիտեմ, որ այդպես է լինելու»,- Aravot.am-ին ասաց պարոն Հայրապետյանը: Մեր հարցին, իրականությանը չե՞ն համապատասխանում լուրերը, որ Փակ շուկայի տարածքում սուպերմարկետ է նախատեսված կառուցել, պարոն Հայրապետյանն ասաց՝ ձեր հարցին արդեն պատասխանել եմ:
Արփինե ՍԻՄՈՆՅԱՆ
