«Ազգային դեմոկրատական ինստիտուտ» (National Democratic Institute – NDI) անվամբ ամերիկյան հասարակական կազմակերպությունը դատապարտել է իր գործունեության մասին ադրբեջանական պարբերականներում հրապարակված հաղորդագրությունները։
Կազմակերպության տնօրեն Քենեթ Ուոլաքը երեկ տարածել է հայտարարություն, որով «պրոպագանդա եւ բացարձակապես անհիմն զրպարտություն» է որակել այդ հոդվածները։ «Կեղծ պնդումների անվերջանալի հրապարակումը դրանք ճշմարիտ չի դարձնում», – հայտարարել է Ուոլաքը։
Ադրբեջանական մամուլում լույս են տեսել հոդվածներ, որոնց համաձայն` Ազգային դեմոկրատական ինստիտուտը միջամտում է Ադրբեջանի ներքին գործերին, խախտում է արտասահմանյան կազմակերպությունների աշխատանքի մասին օրենքները եւ ոչ թափանցիկ ֆինանսական քաղաքականություն է իրականացնում։
Ազգային դեմոկրատական ինստիտուտը, մինչդեռ, հայտարարում է, որ քաղաքացիական կազմակերպություններին, երիտասարդական խմբավորումներին եւ դեմոկրատական կառույցներին աջակցություն ցուցաբերելիս չի խախտում Ադրբեջանի օրենքները։
Կարդացեք նաև
Ազգային դեմոկրատական ինստիտուտը 1995 թվականից է աշխատում Ադրբեջանում։
«Ազատություն» ռադիոկայան
