Այսօր Աջափնյակ համայնքում ՕԵԿ-ավագանու թեկնածուները հանդիպեցին այդ համայնքի իրենց կուսակիցների հետ:
Հանդիպմանը ցուցակի առաջին, երկրորդ համարների թեկնածուներին կուսակիցներին ներկայացրեց 185 դպրոցի ուսուցչուհի, ավագանու թեկնածու Սոֆյա Արթենյանը (լուսանկարում):
«Մեր պարոն Երիցյանը մարդկային կերպարով, որակներով ու հատկանիշներով տարբերվում է շատ շատերից: Այս կարճ ժամանակահատվածում, երբ նա ղեկավարեց արտակարգ իրավիճակների նախարարությունը, պատկերացնում եք ժողովուրդ ջան, այնպես ղեկավարեց, որ մեր նախարարության հռչակը պատվեց մեր հանրապետության սահմանները եւ անցավ արտերկիր: Արտերկրից այսօր փորձում են որսալ մեր փորձը:Եթե քաղաքապետ լինի, ուրեմն արտերկիրը մեզանից կվերցնի նաեւ քաղաքը վարելու ճիշտ եւ ազնիվ ռազմավարություն»,- արտակարգ իրավիճակների նախարար, քաղաքապետի թեկնածու Արմեն Երիցյանի մասին ասաց տիկին Արթենյանը:
Ավագանու թեկնածու հանդիպմանը բացակայող Հովհաննես Շահինյանին էլ ներկայացնելիս, ասաց. «Հովհաննես Շահինյանին շատ կարճ է՝ ինչ ծանոթացել եմ, բայց պատկերացրեք, որ բավականին դրական կարծիքներ եմ լսել նրա մասին: Ես չեմ ասում, վկաներն են ասում, որ կարճ ժամանակում նա աշխատում է»:
Կարդացեք նաև
Տիկին Արթենյանը նաեւ շարունակեց, թե շատ քաղաքական ուժեր զարտուղի ու հազար մի ոլորաններով փորձում են մոլորեցնել մարդկանց. «Հոգնած եւ հուսահատված ժողովրդին նորից հավատից փորձում են շեղել: Մեր հոգնած ժողովուրդը այսօր կրկին երկընտրանքի մեջ է: Տալիս են բազում խոստումներ, բայց ընտրությունները ապացուցել են, որ այդ խոստումներն ապրում են մինչեւ ընտրատարածք: Դառնալով իշխանություն՝ մոռանում են իրենց խոստումները: Բայց ժողովուրդը չի մոռանում, միշտ հիշում է՝ ինչ խոստացավ իշխանությունն ինչպես կատարեց խոստումը»:
Ուսուցչուհին վստահեցրեց, որ ՕԵԿ-ը զարտուղի ճանապարհներ չի ընտրում եւ առաջադեմ ծրագիր է ներկայացնում. «Ապացուցել ենք մեր աշխատանքով»:
Պարոն Երիցյանից հետաքրքրվեցինք, թե ինչու են ՕԵԿ-ական ավագանու թեկնածուները արդեն որերորդ օրը հանդիպում իրենց կուսակիցների եւ ոչ թե համայնքի բնակիչների հետ. «Ես ասել եմ՝ հրավիրեն բոլորին: Հիմա որ ասում եք, ինձ համար անկանկալ է: ՕԵԿ-ականներն էլ են երեւանցի»:
Արփինե ՍԻՄՈՆՅԱՆ
«Արտասահմանցիները ՕԵԿ-ից կվերցնեն քաղաքը վարելու ռազմավարությունը» և կնետեն աղբանոց:
մտածում եմ, մտածում, չեմ հասկանում ,ինչ գործ ունի Արմեն Երիցյանը օեկում?