Քաղաքապետի թեկնածու ՕԵԿ-ական Արմեն Երիցյանը, որպես նախկին փոխոստիկանապետ, իրավաչափ է գնահատում ապրիլի 9-ին ոստիկանների գործողությունները:
Մեր հարցին, Արմեն Մարտիրոսյանին ծեծե՞լն էլ էր իրավաչափ, պարոն Երիցյանն ասաց. «Ոստիկանները իրավաչափ են եղել, բայց տալ գնահատական՝չիմանալով ամբողջ աշխատանքը, իմ կարծիքով իրավաբանին վայել չէ: Պետք է ուսումնասիրել եւ իմանալ՝ ինչ է այնտեղ եղել: Ոստիկանին բոլորս էլ պետք է ենթարկվենք»:
Պարոն Երիցյանն այն կարծիքին չէ, որ ոստիկանների մեջ ապրիլի 9-ին արթնացավ 2008-ի վայրագությունն ու «հին ավանդույթը». «Չէ, չէ: Մենք պետք է պաշտպանենք մեր ոստիկաններին, մենք պետք է այնպես անենք, որ հետո մեր ոստիկանները կարողանան պաշտպանել մեզ: Բոլորս էլ քննադատում ենք, որովհետեւ ոստիկանները պատժող օրգան են, դրա համար շատերը չեն սիրում»:
Պարոն Երիցյանը մի քանի անգամ շեշտեց, որ ապրիլի 9-ի դեպքերի մանրամասներին ծանոթ չէ ու չի կարող գնահատականներ տալ:
Արփինե ՍԻՄՈՆՅԱՆ
Ստում է Երիցյանը,որ չի դիտել Արմեն Մարտիրոսյանին ծեծելու ու ստորացնելու տեսահոլովակը:Միայն գեստապոյականներն էին նման ձևով՝ ոհմակով հարձակվում անպաշտպան գերու վրա…Նրան հարվածողը ոչ բարով սպա էր:Ընդհանրապես իսկական տղամարդը, էլ չեմ ասում սպան՝ չպետք է սմբակով հարվածի 4-5 բուղաների կողմից արդեն իսկ մեկուսացված ու անպաշտպան մարդու դեմքին:Իսկ նրա լկտի ու այլանդակ հայոյանքներ տալը հասարակական վայրում, արդեն իսկ քրօրեն պատժելի արարք է:Եթե մինչև հիմա Երիցյանը այդ տարրական բաները չգիտի,ապա ո՞նց է նա ժամանակին զբաղեցրել փոխոստիկանապետի պաշտոնն ու կրում գեներալի ուսադիրներ:
Pressing.am կայքի տեսանյութում ՊԱՐԶ երևում է,որ քաղաքացիական համազգեստով մարդիկ, ոստիկանների հետ համատեղ, բրդում էին քաղաքացիներին ապրիլի 9-ին: Սա ԱՆԹՈՒՅԼԱՏՐԵԼԻ խայտառակություն է,որը նշանակում է,որ Հայաստանը de facto և de jure այլևս սահմանադրական երկիր չէ: Այս դեպքում միջազգային իրավունքը տվյալ երկրի քաղաքացիներին տալիս է իրավունք ստեղծել քաղաքացիական դրուժինաներ` իրենց անձը և ունեցվածքը պաշտպանելու համար:
Նույնիսկ մտավոր կույրին է տեսանելի, որ խախտված է Սահմանադրության առաջին հոդվածը.
Հոդված 1. Հայաստանի Հանրապետությունը ինքնիշխան, ժողովրդավարական, սոցիալական, ի ր ա վ ա կ ա ն պետություն է:
Ըստ իս՝ քրեապես պատժելի արարքներ գործած քաղաքացիական հագուստով ոստիկանները և նրանց անմիջական ղեկավարները պետք է պատժվեն օրենքի ողջ խստությամբ, իսկ այս ՕԵԿ-ականը պարզապես իր դերի, իր կերպարի մեջ է:
Այսպիսի վարքն ու դիրքորոշումը ավելի սազական կլիներ ՛՛Հանցանաց երկիր՛՛ անվամբ որևէ կուսակցության:
Ուրեմն,պարոն Երիցյանի պատկերացմամբ, ոստիկանը պատժող է, իսկ դատարանը ինչի՞ համար է։Ով՞ է որոշում անձի մեղավոր լինելը,ոստիկանը՞, թե դատարանը՞։Պարոն Երիցյան եթե դուք դառնաք քաղաքապետ դուք կանչելու էք՞ ոստիկաններին որպեսզի պատժեն (ծեծեն) ձեր կարծիքով մեղավոր քաղաքացիներին։
“”Ոստիկանները իրավաչափ են եղել, բայց տալ գնահատական՝չիմանալով ամբողջ աշխատանքը, իմ կարծիքով իրավաբանին վայել չէ “” – Բա որ ամբողջը չգիտես, ոնց ես ասում , թե իրաոա`ափ են եղել???????? ՈՒ սա էլ ուզում ա Երևանի քաղաքապետ լինի? Սրա տեղը հոգեբուժարանն ա