Այսօր խորհրդարանական հայտարարությունների ժամին ՀՅԴ խմբակցության պատգամավոր Արծվիկ Մինասյանն առաջարկեց «Նաիրիտ» ՓԲԸ-ի հարցով ԱԺ ժամանակավոր հանձնաժողով ստեղծել, որը կփորձի քննել այդ հարցով նաեւ լրատվամիջոցների հրապարակումները ստուգելու, մեղավորներին հայտնաբերելու եւ պատասխանատվության կանչելու:
Պարոն Մինասյանը հիշեցրեց որ ինքը կառավարությունից փորձել է «Նաիրիտի» վերաբերյալ տեղեկատվություն ստանալ, բայց կառավարությունն այդպես էլ հստակ պատասխան չի տալիս: Դաշնակցությանը, մասնավորաբար, հետաքրքրում են գործարանի մասնավորեցման գործընթացին եւ ներդրողի կողմից պայմանագրային պարտավորությունները չկատարելու, բաժնետերերի փոփոխության եւ անհասկանալի գործարքների կատարման հետ կապված հարցեր, ինչը գործարանը հասցրել է սնանկացման: Ինչպես նաեւ, գործարանի վերակառուցման, վերազարգացման ծրագրերին վերաբերող հարցեր:
Նելլի ԳՐԻԳՈՐՅԱՆ
