«Առավոտ»-ի զրուցակիցը՝ Վաշինգտոնի Ռազմավարական եւ միջազգային հետազոտությունների կենտրոնի փորձագետ Սերգեյ Մարկեդոնովը խոսելով Հայաստան-ԵՄ հարաբերությունների եւ հայ-ռուսական հարաբերություններում մթնոլորտի մասին նկատեց, թե այնպես չէ, որ Եվրոպան երազում է տեսնել Երեւանը, Բաքուն եւ Թբիլիսին՝ որպես ԵՄ անդամներ։
«Եվրոպան ֆինանսական, տնտեսական ոչ այնքան լավ ժամանակներ է ապրում, գումարած՝ ճգնաժամը եվրոինտեգրման ճանապարհին, մի կողմից ասում են ինտեգրում, մյուս կողմից՝ Կատալոնիան անկախություն է ուզում, Շոտլանդիայում անջատողական շարժում, Բելգիայում ծագում են խնդիրներ։ Այնպես որ, մտածել, թե ԵՄ-ն տենչում է բոլորին ընդունել ու բոլորի խնդիրները կարգավորել՝ դա չափազանցություն է: Ասել՝ Եվրոպան երազում է լուծել ԼՂ խնդիրը․․․ Ի՞նչ է, Եվրոպան ունի՞ նման ծրագիր, Մադրիդյան թարմացված սկզբունքնե՞ր ունի, թե՞ խաղաղապահ ուժեր, որ վաղը տեղակայի ԼՂ-ում: Կամ, եթե Եվրոպան բարեկամանա Հայաստանի հետ՝ Ադրբեջանի հետ վերանայելո՞ւ է հարաբերությունները ու հայտարարելու՝ այլեւս Ադրբեջանի էներգետիկան մեզ չի հետաքրքրում, մենք Հայաստանին ենք սիրելու․․․ Բայց չէ՞ որ այդ ընտրությունն էլ չի լինելու: Այնպես որ, շատ է զգացմունքայնությունը, իսկ հանգիստ քննարկում չկա, մինչդեռ կարծում եմ, որ դրա անհրաժեշտությունը իսկապես կա, որպեսզի մեղմվի անհարկի էմոցիոնալ գործոնը», նշեց մեր զրուցակիցը:
Վաշինգտոնաբնակ ռուս քաղաքագետ Սերգեյ Մարկեդոնովի հետ հարցազրույցն ամբողջությամբ կարող եք կարդալ վաղվա տպագիր «Առավոտ»-ում:
Կարդացեք նաև
Էմմա ԳԱԲՐԻԵԼՅԱՆ
Իսկ ո՞վ ասաց, թե Հայաստանը ձգտում է դառնալ ԵՄ-ի անդամ: Հայաստանը պարզապես ուզում է ԵՄ-ի հետ հաստատել առողջ տնտեսական ու քաղաքակրթային հարաբերություններ,որոնց առավելություններն ակնհայտ են, և ոչ ավելին: ԵՄ-ի անդամ դառնալու համար ( եթե նույնիսկ նրանք դա ցանկանան ) Հայաստանը դեռ շատ խակ է: Իսկ Ռուսաստանն ուզում է բոլոր թերզարգացածներին խցկել իր վերստեղծելիք կայսրության մեջ որպես վասսալներ