Օգոստոսի 7-ից Արտաշատի պահածոների գործարանը Այրումի պահածոների գործարանի տարածքում կիլոգրամը 50 դրամով Նոյեմբերյանի տարածաշրջանի այգեգործներից դեղձ է ընդունում:
ՀՀ գյուղատնտեսության փոխնախարար Ռոբերտ Մակարյանը «Առավոտի» թղթակցին հայտնեց, որ կնքված պայմանագրերի համաձայն` ընդունված բերքի դիմաց այգեգործներին վճարումը կկատարվի 1-2 ամսվա ընթացքում: Փոխնախարարի խոսքերով՝ Այրումի պահածոների գործարանում ընդունվել է 54 տոննա դեղձ, մինչ այժմ «Սպայկա» ընկերությունը Նոյեմբերյանի տարածաշրջանի այգեգործներից կիլոգրամը 100-125 դրամով ընդունել է 110 տոննա դեղձ: Նոյեմբերյանի պտղաբույծների մեծամասնությունը գերադասում է սեփական հնարավորություններով իրացնել դեղձը, քան էժան գնով այն հանձնել մթերողներին:
«Ծառի տակ աճած խոտի մեկ կիլոգրամի գինն է 50 դրամ, դեղձի ծառը սեզոնի ընթացքում 5-6 անգամ սրսկում ենք, ոռոգում, ինչո՞ւ պետք է խոտի գնով հանձնենք», – մեզ հետ զրույցում դժգոհեցին Դեբեդի հովտի այգեգործները:
Ոսկան ՍԱՐԳՍՅԱՆ
Պետք է փոքրիկ Սերժին հաճախ հարցնել,՝ բա դա բան ա, որ պապտ մեր երկրի գլխին ա բերում: