«Նախագահի որոշումը հիմա եղավ Ուկրաինային բացատրելու համար եւ երկրորդ՝ սա եղավ այս պահին գազի գնի հետ կապված»,- Այսօր «Հայացք» ակումբում նման տեսակետ հայտնեց քաղաքական գիտությունների դոկտոր, պրոֆեսոր, մանկավարժական համալսարանի քաղաքագիտության եւ իրավունքի պատմության ամբիոնի վարիչ Լեւոն Շիրինյանը պատասխանելով ինչո՞ւ հենց հիմա, եւ հապճեպ նման որոշում կայացվեց` Մաքսային միությանը միանալու հարցին:
Շիրինյանը գտնում է, որ սա սովորական պայմանագիր չէ ու ցանկացած պայմանագրում գաղտնի կետեր են լինում. «Ես չեմ հավատում ԽՍՀՄ-ի վերականգնմանը: Միայն մի բան պետք է կանխատեսել, եթե հակադրում եղավ, ԱՄՆ-ն ու ՌԴ-ն սկսեցին սառել իրարից` մենք խնդիրներ կունենանք: Իսկ այսօր առաջնային խնդիրը մեզ համար` մեր տարածքներն են»:
Ըստ բանախոսի` ակնհայտ է, որ սահմանադրական բարեփոխումներ են լինելու, բայց դրա մասին խոսելը դեռ շուտ է:
Շիրինյանի համոզմամբ` հայկական կողմի այս որոշման վրա ազդեց հայ-թուրքական սահմանին սպանված հովիվի դեպքը, ու Եվրոպայի համար սա անակնկալ է եղել. «Սա շատ խորը հարց է, անվտանգության: Ռուսը խփեց հովիվին եւ ցանկացավ ասել, ցույց տալ, թե սահմանը մենք ենք պահում, կուզենք` չենք պահի…»:
Կարդացեք նաև
Եվա ՀԱԿՈԲՅԱՆ
