amerikayidzayn.com․ Թուրքիայում հայազգի լրագրող Հրանտ Դինքի սպանության գործով անցնող Էրհան Թունջելի փաստաբանը պնդում է, թե իր պաշտպանյալն անմեղ է:
«Հուրիեթ» պարբերականի փոխանցմամբ, Թունջելի փաստաբան Էրդողան Սորուքլուն տեղեկացրել է, թե իր պաշտպանյալը գտնվում է Թուրքիայում՝ անհայտ վայրում, որտեղից աշխատում է իր դատական պաշտպանության ապահովման վրա, և որ իշխանություններին հանձնվելու մասին որոշում ընդունելը լիովին կախված է Թունջելից:
Էրհան Թունջելը, որին կասկածում են հայազգի լրագրողի սպանությունը հրահրելու մեջ, Հրանտ Դինքի սպանությունից առաջ որպես իրազեկիչ համագործակցում էր Տրապիզոնի ոստիկանության հետ: Դատարանը Թունջելի ձերբակալության մասին հրամանագիր էր արձակել Հրանտ Դինքի սպանության գործի վերաքննություն իրականացնելու մասին որոշումը կայացնելուց հետո:
«Թունջելը Թուրքիայում է, աշխատում է իր դատական պաշտպանության մանրամասների վրա: Նա է զանգում իմ հեռախոսին, ես չեմ կարող զանգահարել նրանք, քանի որ չգիտեմ, թե որտեղ է», – ասել է Թունջելի փաստաբանը:
Կարդացեք նաև
Փաստաբանի համաձայն, քիչ է հավանական, որ Հրանտ Դինքի սպանության գործով անցնող իր պաշտպանյալը երկարատև ազատազրկման դատապարտվի: Թունջելին երկարաժամկետ բանտարկության դատապարտելու դեպքում, ըստ փաստաբանի, նախատեսվում է դիմել Մարդու իրավունքների եվրոպական դատարան, քանի որ այդ դեպքում «կոտնահարվեն Մարդու իրավունքների եվրոպական կոնվենցիայից իր պաշտպանյալի բխող իրավունքները»:
Մանրամասները կարող եք կարդալ՝ amerikayidzayn.com կայքում