«Ժառանգություն» կուսակցության երիտասարդական միության անդամ Դանիել Իոաննիսյանը քիչ առաջ հայտարարեց կուսակցության շարքերը լքելու մասին:
«Հիմնական տարաձայնությունները կուսակցության կուրսի հետ սկսվեցին երկու տարի առաջ` խորհրդարանական ընտրությունների նախաշեմին, երբ կտրականապես համաձայն չէի այն նախընտրական ցուցակի հետ, որը ներկայացվեց ԿԸՀ: Այդ պատճառով չմասնակցեցի նույնիսկ քարոզարշավին, այլ մասնակցեցի միայն մեծամասնական թեկնածուներ Արմեն Մարտիրոսյանի եւ Ստյոպա Սաֆարյանի քարոզարշավին: Տարաձայնություններ եմ ունեցել նաեւ Րաֆֆի Հովհաննիսյանի գործողությունների հետ` նախագահական ընտրությունների հետընտրական փուլում, այդ թվում Վովա Գասպարյանի հետ աղոթելու հետ կապված: Բավականին շատ անհամաձայնություններ ունեի «Բարեւ Երեւան» Դաշինքի սահմաններում, սկսած ցուցակից, որն, ըստ ավանդույթի, բավականին անհաջող էր:Այդ ցուցակում ինձ պահեց միայն այն, որ ցուցակի առաջին համարը Արմեն Մարտիրոսյանն էր: Բայց համաձայն չեմ եղել Դաշինքի քարոզարշավի ձևաչափի, գործողությունների ծրագրի հետ»,- Aavot.am-ի հետ զրույցում ասաց Դանիել Իոաննիսյանը:
Նրա խոսքով, 7 տարի «Ժառանգության» անդամ լինելով՝ հեռանում է հիասթափված. « Եթե 7 տարի առաջ գալիս էի մի կուսակցություն, ուր առաջին դեմքերն էին Վարդան Խաչատրյանը, Լարիսա Ալավերդյանը , ապա հիմա հեռանում եմ մի կուսակցությունից, որի առաջին դեմքն է Ռուբեն Հակոբյանը, ում հայացքները բացարձակապես չեմ կիսում: Այնուամենայնիվ, հիասթափված եմ… մթնոլորտը, ընդհանուր թիմի գործողությունները ղեկավարում են առնվազն ոչ այնքան գաղափարները կրող մարդիկ: «Ժառանգության» աշխարհայացքը բավականին փոխվեց»:
Նա ասաց, որ անձամբ Րաֆֆի Հովհաննիսյանին չի ասել իր որոշման մասին. «Մայիսից հետո ընդամենը մի անգամ եմ տեսել Րաֆֆի Հովհաննիսյանին, այն էլ` պատահաբար»:
Կարդացեք նաև
Ակտիվիստը դուրս գալու մասին դեռ ֆորմալ դիմումը կուսակցություն չի ներկայացրել, բայց ասաց` բացառվում է, որ փոշմանի դիմումը հանձնելու ու կուսակցության շարքերը լքելու իր որոշումից:
Նա նաեւ վստահեցրեց, որ այլ կուսակցություն տեղափոխվելու մտադրություն չունի. «Որովհետեւ որքան էլ չքննադատեմ «Ժառանգությանը», չեմ տեսնում որեւիցե այլ կուսակցություն, որն ավելի լավը լինի, քան «Ժառանգությունը»:
Արփինե ՍԻՄՈՆՅԱՆ
Ցավով, բայց համամիտ եմ՝ Դանիելի հետ։ Անհասկանալի պատճառներով Ռաֆֆին իր խմբի անդամներին թողած, սկսեց փնտրել ու խրախուսել մեկ այլ այլընտրանքայիններ՝ ազատ դեմոկրատներ, Թևան, և այլոց, իսկ Ռուբենը՝ համոզված եմ պատրաստ սպասում է ցանկացած պահի
որևէ երկրի դեսպան գնալ և իհարկե ուզունդարա պարել կեղծ նժդեհականների դուդուկի տակ։
Է, Դանիել ջան, մենակ դու չես, Րաֆֆիին շատերն էին հավատում ու վստահում, բայց անցած տարվա իր գործերից հետո հասկացանք, որ՝ չէէէէէէէէէէէէէէէ…………….
«Ժառանգությունը» 7 տարվա մեջ ի՞նչ ա արել, որ մեկ էլ մի անդամի հեռանալը կարևոր լուր դառավ: Ես արդեն մի անգամ գրել էի, որ Դանիելը պարապ ա մնացել, եղանակից ա խոսում արդեն մենակ, հիմա հուսով եմ արդեն ավելի քիչ կերևա: