Կիևում կյանքը հանգիստ է: Բանից անտեղյակ մարդը որևէ արտառոց երևույթ չի էլ նկատի, մտքով չի անցնի, որ Կիևի կենտրոնում անհանգիստ վիճակ է: Բայց տեղացին, բնականաբար, բանից անտեղյակ չէ, իսկ տուրիստն անպայման կգնա Կիևի տեսարժան վայրերից մեկն ու կհայտնաբերի, որ քաղաքի կենտրոնը բնավ այնպիսին չէ, ինչպիսին տեսել է տուրիստական ուղեցույցների գունավոր նկարներում:
Էդպես մի տրոլեյբուս մեզ իջեցրեց ուղիղ Մայդանի մոտ: Լրագրող մայրս, որը հետս եկել էր ինձ աչքի տակ պահելու համար, որ հանկարծ Մայդանի կողմերում չհայտնվեմ, ինքն առաջարկեց մտնել ու տեսնել, թե ինչ վիճակ է այնտեղ:
Ուղիղ մուտքի մոտ Հայաստանի դրոշն էր: Մի մարդ մոտեցավ մեզ և խնդրեց փող տալ «անվտանգության» համար: Էդպես էլ չհասկացանք՝ Մայդանի ցուցարարների՞, թե՞ ոստիկանների անվտանգությունն էր նրան մտահոգում: Նրա կրծքավանդակին հեռահաղորդիչ էր ամրացված, բայց հայտնի չէր, թե դրանով ում է զեկուցում մտնող-դուրս եկողի մասին:
Մայրս ուզում էր հեռախոսով նկարել Հայաստանի դրոշը, բայց համ էլ ասաց, որ էնտեղ լուսանկարել չի կարելի: Դրա համար մոտեցավ մահակներով զինված ինչ-որ երիտասարդների, որոնք կարող էին ոստիկաններ լինել, բայց քաղաքացիական հագուստով էին և նկարելու թույլտվություն խնդրեց: Ասացին, որ կարող ենք նկարել, միայն թե մարդկանց դեմքերը չերևան:
Հետո արդեն ուշադրություն դարձրինք հրապարակի կենտրոնի հսկայական էկրանին, որից ինչ-որ տարօրինակ ինտոնացիայով մեկն էր խոսում: Թվում էր՝ այլմոլորակային է: Նրա ասածներից ոչինչ չէր հասկացվում: Երևի պետք էր լեզվակիր լինել նման անսովոր հնչողությամբ ուկրաիներենից գլուխ հանելու համար:
Կարդացեք նաև
Մարիխուանայի հոտ փչեց: Հրապարակի կենտրոնում մի մեծ սյուն էր ցցված, որի վրա Եվրոմիության տարբեր երկրների դրոշներ էին ամրացված: Լիքը աղբ ու անվադողեր կային: Իրար կողք մի քանի միանման վրան էր խփված, որոնց տակ հաստատ բազմահազարներ տեղ չէին անի: Հետո պիտի հասկանայինք, որ իսկապես այնտեղ տասնյակ հազարներով էին մարդիկ, միայն թե Անկախության հրապարակից դուրս: Տարածքով շրջում էին դեմքներին դիմակներ քաշած քաղաքացիական հագուստով և առանց դիմակների, բայց կամուֆլյաժով տղամարդիկ: Անհասկանալի էր, թե ովքեր էին ոստիկանները, ովքեր՝ ցուցարարները:
Նյութի մանրամասները կարդացեք byurakn.wordpress-ի կայքում
