Միացյալ Նահանգները, կիրառելով պատժամիջոցները, կարող է լուրջ վնաս հասցնել Ռուսաստանի տնտեսությանը:
ԱՄՆ-ի նախագահ Բարաք Օբամայի և Ուկրաինայի նոր վարչապետ Արսենիյ Հացենյուկի միջև կայանալիք հանդիպմանն ընդառաջ ԱՄՆ-ի Սպիտակ տան խորհրդականները քննարկում են, թե որքան հեռու պետք է գնա Միացյալ Նահանգներն իր զինանոցում առկա տնտեսական զենքի օգտագործման հարցում:
Այս մասին գրում են ամերիկյան «Նյու Յորք Թայմս» և «Ուոլ Ստրիտ Ջորնալ» պարբերականները:
Այսպես, «Նյու Յորք Թայմս»-ը, վկայակոչելով ԱՄՆ-ի նախագահ Բարաք Օբամայի վարչակազմի իրենց անունները բացահայտելուց հրաժարված աղբյուրները, գրում է, որ Միացյալ Նահանգները, կիրառելով պատժամիջոցները, կարող է լուրջ վնաս հասցնել Ռուսաստանի տնտեսությանը: Որոշ պաշտոնյաներ, ընդ որում, կարծում են, որ եթե Ռուսաստանի նախագահ Վլադիմիր Պուտինը չհրաժարվի Ղրիմի նկատմամբ վերահսկողությունից և թերակղզին Ռուսաստանին միանալու ծրագրից, ապա այս հզոր միջոցը պետք է կիրառել հնարավորինս արագ:
Կարդացեք նաև
«Նյու Յորք Թայմս»-ի աղբյուրների կողմից տրամադրված տվյալների համաձայն՝ Ռուսաստանի նկատմամբ կոշտ միջոցների ընդունումն առավել եռանդուն են սատարում Ուկրաինայում ստեղծված իրավիճակի մասին քաջատեղյակ պաշտոնյաներն, այդ թվում՝ ԱՄՆ-ի արտգործնախարարի Եվրոպայի և Եվրասիայի հարցերով տեղակալ Վիկտորիա Նուլանդը և Ուկրաինայում ԱՄՆ-ի դեսպան Ջեֆրի Փայեթը:
Արմեն Հովհաննիսյան
Նյութի մանրամասները կարդացեք «Ամերիկայի Ձայն»-ի կայքում
