Տնտեսության ներկա վիճակի եւ անհրաժեշտ բարեփոխումների մասին խոսակցությունները վերջերս ավելի արդիական են դարձել։ «ՉԻ»-ի հետ զրույցում տնտեսական գիտությունների թեկնածու, դասախոս Արթուր Առաքելյանը կարծիք հայտնեց, որ Հայաստանում փոքր եւ միջին ձեռնարկությունները (ՓՄՁ) հիմնականում ներգրավված են մեծածախ եւ մանրածախ առեւտրի ոլորտում, ընդ որում՝ այդ ձեռնարկությունների 91%-ը գերփոքր օբյեկտներ են։ Նրա խոսքով՝ միայն մեկ տարվա ընթացքում այս ոլորտում փակվել են շուրջ 1500 գերփոքր, մինչեւ 5 աշխատող ունեցող առեւտրի օբյեկտներ։ Սա այն պայմաններում, երբ 2013 թվականին գործող 12652 խանութներից առեւտրի շրջանառության 63%-ը բաժին է ընկել 31 եւ ավելի աշխատող ունեցող 155 խոշոր խանութներին։ Ցուցանիշները վկայում են, որ մանրածախ առեւտրի ոլորտում փոքր եւ միջին բիզնեսի դերը նվազում է։
Սակայն տնտեսագետը վստահ է, որ գործազրկության ու աղքատության ներկայիս ցուցանիշների պայմաններում առավել կարեւոր է փոքր եւ միջին ձեռնարկատիրության աջակցությանն ուղղված պարզ եւ շոշափելի միջոցառումների իրականացումը, քանի որ ամբողջ աշխարհում ՓՄՁ ոլորտն է, որ լուծում է զբաղվածության ապահովում ու ստեղծում միջին խավի ստեղծման կարեւորագույն խնդիրը։
Այդ պատճառով, Արթուր Առաքելյանի վստահեցմամբ, ոլորտին անհրաժեշտ է անհապաղ օգնություն ցուցաբերել՝ արագ ազդող գործիքակազմով, ինչպիսին հարկային եւ վարկային արտոնյալ քաղաքականությունն է։
Լիլիթ ԼԱԼԱՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
Կարդացեք նաև
