Վարչապետ Հովիկ Աբրահամյանը դեռ չէր եկել սպորտի եւ երիտասարդության հարցերի նորանշանակ նախարար Գաբրիել Ղազարյանին ներկայացնելու, Aravot.am-ը Յուրի Վարդանյանից հետաքրքրվեց, թե ինչպե՞ս է տրամադրությունը: «Պատկերացրեք, շատ լավ է, անգամ` ուրախ եմ: Ես եկել էի աշխատելու, այլ ոչ թե պատերազմներ տալու: Տրամադրությունս շատ բարձր է», – պատասխանեց նախկին նախարարը:
Հարցին, թե հիմա ինչո՞վ է զբաղվելու, Յուրի Վարդանյանը հակադարձեց. «Շատ կարճ ժամանակ` ընդամենը մի քանի օր, կհանգստանամ: Ես արդեն նոր աշխատանքի առաջարկ ունեմ: Մի քանի օր սպասեք ու կիմանաք»: Յուրի Վարդանյանը նշեց, որ նոր աշխատանքի առաջարկն ստացել է ՀՀ նախագահ Սերժ Սարգսյանից:
Աշոտ ՀԱԿՈԲՅԱՆ
