Ռուսաստանի արտաքին գործերի նախարար Սերգեյ Լավրովը Bloomberg TV-ի հարցազրույցում հայտարարել է, թե Ուկրաինան մոտ է քաղաքացիական պատերազմին: Նա ասել է, որ երկրի հարավ-արևելքում իրական պատերազմ է ընթանում, և որ դժվար կլինի ազատ ու արդար անցկացնել այս ամսվա վերջին նշանակված Ուկրաինայի նախագահական ընտրությունները:
Չնայած Դոնեցկի ու Լուգանսկի այսպես կոչված հանրաքվեներին՝ Ուկրաինայի արևելյան շրջանները Ռուսաստանին միացնելու հարցը Լավրովը հիպոթետիկ է որակել, պատասխանելով ուղիղ հարցին՝ արդյոք կարո՞ղ է երաշխավորել, որ Ռուսաստանը չի բռնակցի Ուկրաինայի արևելյան շրջանները:
Նա նաև հավաստիացրել է, որ Ռուսաստանը ոչ մի տեղ զորք ուղարկելու որևէ մտադրություն չունի: Ուկրաինայի արևելքում վերջին շրջանում իրավիճակը հատկապես լարված է Խարկովի և Դոնեցկի միջև ընկած Սլովյանսկ (Սլավյանսկ) ու Կրամատորսկ քաղաքներում: Զինված բախումները այստեղ չեն դադարում: Օրեր առաջ Կրամատորսկի արվարձանում ռուսամետ զինյալները ուկրաինացի յոթ զինվորների են սպանել: Մինչ այդ իրադարձությունները Ուկրաինայի պաշտոնական աղբյուրները հաղորդել էին հակաահաբեկչական գործողությունների ընթացքում անջատողականների կողմից ընդհանուր թվով ինը զինվորի սպանության մասին:
Հոդվածն ամբողջությամբ՝ սկզբնաղբյուր կայքում
Կարդացեք նաև
