Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում ընթացող ազատամարտիկ Վոլոդյա Ավետիսյանի գործով դատական նիստը երկրորդ ընդմիջումից հետո այդպես էլ չվերսկսվեց: Հիշեցնենք, որ դատավոր Ավետիսյանը նիստերի դահլիճից հեռացավ ազատամարտիկներին` չկարողանալով կարգի հրավիրել:
Կարգադրիչները ընդմիջման ընթացքում փորձեցին համոզել ազատամարտիկներին հեռանալ, որ դատավորը կարողանա շարունակել նիստը, բայց ազատամարտիկները մինչեւ վերջ պնդեցին, որ չեն հեռանալու: Դատավոր Ավետիսյանը նորից վերադարձավ նիստերի դահլիճ: Նախախորհրդարանի ակտիվիստներից մեկը կանգնեց նստարանի վրա՝ վերեւ պարզելով դատավորի նկարով ցուցապաստառ՝ «կապել են ամուր փալասով աչքերդ, ձեռքերիցդ էլ կախել են կշեռքը ժանգոտ…դու կույր ու վախկոտ» գրությամբ: Դատավոր Ավետիսյանը այդ տեսնելով՝ հեռացավ:
Նիստերի դահլիճից դուրս գալով՝ ազատամարտիկները փակեցին Վոլոդյա Ավետիսյանին դուրս բերող ճանապարհը, ապա երկու մասի բաժանվելով ծափահարեցին ու ազգային հերոս, ազատություն վանկարկումներով ճանապարհեցին նրան:
Կարդացեք նաև
Արփինե ՍԻՄՈՆՅԱՆ