Ապրիլի 24-ին Ազգային ժողովրդավարական բեւեռի հանրահավաքին հաջորդած երթից հետո բողոքի ցույցի 96 մասնակից բերվել է ոստիկանություն՝ Վարչական իրավախախտումների վերաբերյալ օրենսգրքի 182 հոդվածով նախատեսված արարքի համար՝ ոստիկանների օրինական պահանջը չկատարելու հիմքով:
ԱԺԲ-ն հայտնում է, որ բռնի ուժի կիրառմամբ բերման են ենթարկվել մասնավորապես Բևեռի խորհրդի անդամ Գարեգին Չուգասզյանը եւ պահեստազորի գնդապետ Վոլոդյա Ավետիսյանը. «Ոստիկանները բերման են ենթարկել նաև Բևեռի ցույցը լուսաբանող ֆրանսիական ԶԼՄ-ի օպերատորին»:
ԱԺԲ-ն նաեւ պնդում է, որ երթի տասնյակ մասնակիցներ են ծեծի ենթարկվել:
«Իրավական ուղի» ՀԿ նախագահ Ռուբեն Մելիքյանը ֆեյսբուքյան էջում գրում է. «ԶԼՄ-ների տարածած կադրերից պարզ երևում է, որ այսօր «ԱԺԲ»-ի կողմից իրականացվող խաղաղ հավաքի մասնակիցների նկատմամբ Թումանյան-Մաշտոց խաչմերուկի վրա ոստիկանության կիրառած ֆիզիկական ուժը եղել է խիստ անհամաչափ։ Ակնհայտ է, որ ուժային այդ կառույցի առանձին ստորաբաժանումներ դուրս են եկել իրավական վերահսկողության տիրույթից ու վերածվել են քաղաքական վրեժխնդրության անպատժելի գործիքակազմի։
Եթե աշխարհում հիշաչարության մրցույթ լինի, ապա նիկոլը հաստատ կգրավի առաջին տեղը։
Քանի որ երեկ իր կնոջ ու դստեր ներկայությամբ ԱԺԲ-ականները վանկարկեցին ճշմարտությունը, այսինքն – նի-կոլ դա-վա-ճան, դե հողատուն էլ որոշեց – ոնց թե դու իմ շանը զարկես, դե զարկելը հիմի դու տես։