Երեկ ԲՀԿ-ն պետք է հայտներ, թե ինչպես է վերաբերվում կառավարության կողմից կուտակային կենսաթոշակային համակարգի նոր առաջարկություններին, սակայն դա այդպես էլ տեղի չունեցավ՝ պատճառաբանությամբ, թե օրինագիծը դեռ չեն ստացել։
Այս առիթով «ՀԺ«-ն մի քանի հարց է ուղղել ԲՀԿ խմբակցության պատգամավոր, ԱԺ տնտեսական մշտական հանձնաժողովի ներկայացուցիչ Միքայել Մելքումյանին։
– Պարոն Մելքումյան, ընդունելի՞ են կառավարության նոր առաջարկները։
– Կան փոփոխություններ, դա ակնհայտ է, բայց, իհարկե, դրանք ընդունելի չեն թե՛ քաղաքական, թե՛ մասնագիտական իմաստով։ Մենք մեր գնահատականը կտանք։
Նախ՝ հիմնական առանձնահատկությունն այն է, որ պետական ու մասնավոր սեկտորի տարանջատում կա։ Եթե չեմ սխալվում, պետական մարմիններում ու ՊՈԱԿ-ներում աշխատում են շուրջ 65.000 քաղաքացի, ու ընտրելով այս տարբերակը, պատճառաբանում են, թե սա հուլիսի 1-ով աշխատավարձի բարձրացման հետ է կապված, ու ավելացված գումարի մի մասը կպահեն։ Այս դեպքում անհրաժեշտություն կա, որ, ուրեմն, ամեն տարի աշխատավարձի ավելացում լինի։
Մյուս հետաքրքիր փաստն այն է, որ եթե, օրինակ, դու պետական հաստատությունում ես աշխատում, բայց հետո մասնավոր ընկերությունում, ապա հետադարձ ճանապարհ չկա, միեւնույն է՝ կուտակայինի գումար գանձվելու է։
Կարդացեք նաև
– Հովիկ Աբրահամյանը բանաձեւ էր առաջարկել «պարտադիր, բայց ոչ պարտադրված», կառավարության առաջարկությունը այս բանաձեւի վրա՞ է հիմնված։
– Ես էլ ասում եմ պարտադիր, բայց ոչ քաղաքացու հաշվին։ Եկեք էնպես անենք, որ համակարգը լինի, բայց ոչ քաղաքացուց գումար տանելու հաշվին։ Ի՞նչ խնդիր կա։ Կարելի է սոցիալական փաթեթ մշակել ու դա անել։
Մկրտիչ ԿԱՐԱՊԵՏՅԱՆ
Հարցազրույցն ամբողջությամբ կարող եք կարդալ «Հայկական ժամանակ» թերթի այսօրվա համարում
