Իշխանությունները ամենեւին էլ չեն թաքցնում, որ սահմանադրական փոփոխությունների միջոցով վերարտադրվելու հնարավորություն ունեն։ Ավելին, ՀՀԿ խմբակցության ղեկավար Վահրամ Բաղդասարյանի համոզմամբ, այն քաղաքական ուժերը, որոնք ցանկություն չունեն վերարտադրվելու, սպառել են իրենց որպես կուսակցություն։ «Իսկ ՀՀԿ-ն իրեն չի սպառել։ Վատ բան չէ վերարտադրվելը։ Ցանկացած քաղաքական ուժի նպատակը քաղաքական դաշտում վերարտադրվելն է։ Ով վերարտադրվելու ցանկություն չունի, ուրեմն սպառված է»,- անկեղծացել է Վ. Բաղդասարյանը։
Վերարտադրվելու անհրաժեշտությունն էլ նա պայմանավորել է քաղաքական դաշտում անելիքներ ունենալու արդարացմամբ։ Պատասխանելով այն հարցին, թե փաստորեն ընդունո՞ւմ եք, որ ՀՀԿ-ն վերարտադրվելու ցանկության ունի, Բաղդասարյանը չի հերքել՝ ասելով. «Պարզապես քաղաքական դաշտում մենք դեռ շատ անելիք ունենք։ Ուզում ենք մեր երկրի նկատմամբ պարտականությունները շարունակել։ Մենք խորհրդարանական կառավարման համակարգում ենք տեսնում մեր երկրի ապագան»։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
