«Ես ավելի պատրաստ եմ»,-այսպես արձագանքեց «Ժառանգություն» կուսակցության անդամ Անահիտ Բախշյանն՝ արձագանքելով մեր այն հարցին`թե ի՞նչ կարծիք ունի ԲՀԿ առաջնորդ Գագիկ Ծառուկյանի` ՀՀ նախագահի թեկնածու լինելու պատրաստակամության մասին եւ արդյոք Գագիկ Ծառուկյանին տեսնո՞ւմ է որպես ՀՀ նախագահ: «Այսինքն` տեղից հելնողը հո չի՞ կարող ասել` ես պատրաստ եմ նախագահ լինել, էդ ենք արել, որ այս օրն ենք ընկել»-ասաց տիկին Բախշյանը:
Հիշեցնենք, որ «Բարգավաճ Հայաստան» կուսակցության ղեկավարը երեկ լրագրողների հարցերին ի պատասխան ասել է. «Իմ մտքում 4-5 թեկնածու կա նոր նախագահի ընտրության համար, որոնք արժանապատիվ մարդիկ են եւ կարող են այս երկիրը զարգացման ուղու վրա դնել եւ խնդիրը կարգավորել: Եթե իմ քաղաքական գործընկերները եւ հանրությունը նրանցից որեւէ մեկի թեկնածությունը կառաջադրեն, ես պատրաստ եմ նրան պաշտպանել, նրա կողքը կանգնել: Իսկ եթե իմ քաղաքական գործընկերները, հանրությունը ներկայացրեցին, որ իմ կարիքը կա այդ դժվարին պահին, որ իմ թեկնածությունը պետք է դնել, հիմա ասում եմ, որ ես դրան էլ եմ պատրաստ»:
Անահիտ Բախշյանն, ինչպես ինքն ասաց, ուզում է Հայաստանի Հանրապետության նախագահ տեսնել մի մարդու, որը կրթված է, կառավարման հմտություններ ունի, քրեական պատմություն չունի իր կենսագրության մեջ եւ առաքինության ինչ-որ պաշար ունի:
Aravot.am-ի դիտարկմանը` նշված հատկանիշներ ունի ՀՀ առաջին նախագահ Լեւոն Տեր-Պետրոսյա՞նը, տիկին Բախշյանն այսպես պատասխանեց` «Այդ երեքից` ոչ ոք»:
Մեր այն հարցին էլ` եռյակը խոստացել է այսօրվա հանրահավաքից սկսել իշխանափոխության գործընթացը, արդյոք «Ժառանգության» անդամը նման բան տեսնո՞ւմ է, վերջինս ասաց. «Ես չունեմ այդքան հմտություն, քաղաքական հեռատեսություն, բայց իմ կարճատեսությամբ` չեմ տեսնում: Ես մարտի 1-ին ավելի էի հավատում, որ ինչ-որ բան կփոխվի, ու եկեք չմոռանանք` ով վիժեցրեց, ով զորք բերեց, ով իր թինապահներին բերեց ու ժողովրդի դեմ հանեց»:
Կարդացեք նաև
Մանրամասն` տեսանյութում
Նելլի ԲԱԲԱՅԱՆ
Բա հոկտեմբերի 27-ը մոռացաք? տիկին Բախշյան
Երանի այն օրվան , երբ Բախշյան Անահիտը կհասկանա, որ ինքը լռելու դեպքում ահագին օգուտ կտա Հայաստանին ու նրա ազգաբնակչությանը