Միայն հիմարը կամ իրեն հիմարի տեղ դնողը կհավատա ու կփորձի ուրիշներին էլ հավատացնել, որ վարչախումբն այդ փոփոխությունները նախաձեռնել է ոչ թե սեփական իշխանությունը հավերժացնելու նկատառումով, այլ միայնումիայն, բացառապես, «իր հոր արեւ»՝ երկրի ու ժողովրդի բարօրության համար»,- Ազատության հրապարակում եռյակի հանրահավաքին այսպիսի կարծիք էր հայտնել առաջին նախագահը սահմանադրական փոփոխությունների մասին:
Այս առնչությամբ Aravot.am-ի հետ զրույցում ՀՀԿ պատգամավոր Հովհաննես Սահակյանը պատասխանեց Լեւոն Տեր-Պետրոսյանի քննադատությանը. «Սահմանադրական բարեփոխումներից խոսելուց պետք է մի կարեւոր փաստ արձանագրենք: Եթե այդ մարդիկ չեն կարդացել այդ հայեցակարգը, ինչի՞ մասին է խոսքը: Եթե դա ընդամենը քաղաքական ցանկության մասին է, եւ իրենք ընդամենը մեկ աթոռի համար են կռիվ տալիս, մենք այստեղ ասելիք չունենք: Խնդիրը այստեղ կարող ենք բաժանել երկու մասի՝ իրավական եւ քաղաքական: Իրավական առումով, եթե այդ մարդիկ չեն կարդացել եւ նշում են, որ չեն կարդալու, հետեւաբար մնում է քաղաքականը: Քաղաքականն էլ հետեւյալն է՝ իրենք ցանկանում են 1 աթոռ, որ առաջիկա նախագահական ընտրություններին ունենան իրենց նախագահը: Այստեղից ծնվում է երկրորդ հարցադրումը՝ իսկ եթե այդքան վստահ եք, որ նախագահական ընտրություններին պետք է հաղթեք, այս հայեցակարգի պարագայում հաղթեք ԱԺ ընտրություններում եւ ամբողջ թիմով ձեւավորեք ե՛ւ կառավարություն, ե՛ւ ԱԺ մեծամասնություն, հետեւաբար նաեւ նախագահական ինստիտուտ եւ այլն: Այստեղ կա նաեւ խնդիր՝ դեմ եք, ինչի՞ն եք դեմ:
Մենք նաեւ Հովհաննես Սահակյանից հետաքրքրվեցինք, թե ինչպե՞ս կբացատրի փոխվարչապետ Արմեն Գեւորգյանի հանկարծակի հրաժարականը: Նա պատասխանեց. «Արմեն Գեւորգյանը պետք է նախեւառաջ որպես պաշտոնյա, որի աշխատանքը բոլորը գնահատել են, գնահատում են, պետք է ինքը տա բացատրությունը կամ պարզաբանումը, թե ինչու է հրաժարվել: Ես չեմ խոսել պարոն Գեւորգյանի հետ, պատճառների մասին տեղյակ չեմ»:
Հասարակության մեջ կարծիքներ են պտտվում, որ նա Քոչարյանի կադրն է, նա է ստիպել հրաժարական տալ՝ Հովհաննես Սահակյանը պատասխանեց. «Դրանք ընդամենը կարծիք են: Քանի դեռ պարոն Գեւորգյանը չի հայտնել այդ կարծիքը, թողնենք: Դրանք ընդամենը բամբասանքներ են»:
Կարդացեք նաև
Մեր հարցին՝ նա հնարավո՞ր է Արթուր Բաղդասարյանի պաշտոնը զբաղեցնի՝ Ազգային անվտանգության խորհրդի քարտուղար դառնա՝ Հովհաննես Սահակյանը պատասխանեց. «Դա իմ իրավասություններից դուրս է: Ես չեմ նշանակում ԱԱԽՔ, եւ չեմ կարող ասել՝ կնշանակվի նա, թե ոչ»:
Հռիփսիմե ՋԵԲԵՋՅԱՆ
ՀՀԿ առնետավազքի մեկնարկը տրված է, սպասենք հաջորին…:)))