Լեւոն Դոխոլյանի կարծիքով՝ Եվրասիական տնտեսական միությունը կարող է լուրջ խթան հանդիսանալ ձեռնարկությունների ստեղծման, ամրապնդման եւ հետագա զարգացման համար
«Օրինաց երկիր» կուսակցությունը սկզբունքորեն դեմ չէ Եվրասիական տնտեսական միության հետ համագործակցությանը»,- այսօր՝ նոյեմբերի 21-ին, «Պոստ սկրիպտում» մամլո ակումբում լրագրողների հետ հանդիպման ընթացքում հայտարարեց ՕԵԿ խմբակցության պատգամավոր Լեւոն Դոխոլյանը:
Նա նշեց, որ Հայաստանը պետք է հավասարակշռված քաղաքականություն վարի թե՛ Եվրամիության եւ թե՛ Եվրասիական տնտեսական միության հետ. «Մենք պետք է հասկանանք, որ համագործակցությունը Մոսկվայի հետ պետք է մեզ չխանգարի համագործակցել Բրյուսելի հետ կամ հակառակը: Մենք պետք է նաեւ հաշվի առնենք տնտեսական, սոցիալական եւ ռազմաքաղաքական առումներով որ միությունը մեզ ինչ է առաջարկում: Մեր մոտեցումն այն է, որ մենք պետք է զուգահեռաբար աշխատենք յուրաքանչյուրի հետ»:
Պարոն Դոխոլյանը համարում է, որ Եվրասիական տնտեսական միությունը կարող է խթան հանդիսանալ հայ տնտեսվարողների համար, մասնավորապես՝ փոքր եւ միջին ձեռնարկությունների համար, որոնք այսօր փակվում են. «Ես ուզում եմ բարձրաձայնել, որ վերջին տարվա ընթացքում փակվել է 10 հազարից ավելի փոքր եւ միջին ձեռնարկություն: Եվրասիական տնտեսական միությունը կարող է լուրջ խթան հանդիսանալ այս ձեռնարկությունների ստեղծման, ամրապնդման եւ հետագա զարգացման համար»:
Կարդացեք նաև
Ամի ՉԻՉԱԿՅԱՆ
