«Գոնե մի քիչ միջին մակարդակի սցենարիստներ գտեք ձեր խայտառակ, միջին մակարդակի բեմականացումն իրականացնելու համար»,-այսօր ՀՀ ԱԺ արտահերթ նստաշրջանի ժամանակ հայտարարեց ԲՀԿ խմբակցության ժամանակ Նաիրա Զոհրաբյանը՝ անդրադառնալով ՀՅԴ-ի և ՀՀԿ-ի՝ համատեղ հայտարարության քննարկմանը:
Նա նշեց, թե «ԲՀԿ–ն գտնում է, որ եթե պաշտոնանկ չի արվելու գոնե փոխոստիկանապետը, այս ամենը շոու է և իմիտացիա»:
Տիկին Զոհրաբյանը հիշեցրեց, որ երեկ չորս քաղաքական ուժերը՝ ԲՀԿ–ն, ՀԱԿ–ը, «Ժառանգությունը» և ՕԵԿ–ը, նախաձեռնեցին ստորագրահավաք՝ արտահերթ նիստ հրավիրելու և փոխոստիկանապետ Լևոն Երանոսյանին պաշտոնանկ անելու պահանջով հանդես գալու հարցով, ինչը խորհրդարանական մեծամասնությունը մերժեց այդ նախաձեռնությունը՝ բոյկոտելով նիստը, որովհետև «իրենց ծրագրերի մեջ չէր մտնում կոնկրետ, հստակ պատասխանատվությունը տեղի ունեցածի մասին»։
Հիշեցնելով այն, որ այսօր միջազգային հանրությունը բացասական արձագանք է տվել կատարվածի կապակցությամբ՝ ասաց, թե ուստի «պետք էր կազմակերպել այս իմիտացիոն գործընթացը, ընդունել «Ո՛չ բռնությանը» 3–րդ դասարանի մակարդակի շարադրության մի տեքստ՝ անհասցե, որևէ կոնկրետ պատասխանատվություն չենթադրող, ընդամենը ԱԺ–ի և երկրի, ինչպես դուք եք նշում, միջազգային վարկն ու ազգային միասնությունը խաթարող իմիջը փրկելու համար»: Նա հայտարարեց, թե ԲՀԿ–ն չի կարող նման իմիտացիաների մասնակցել:
Կարդացեք նաև
Իսկ այն առնչությամբ, որ փոխոստիկանապետը պաշտոնանկ չի արվում, տիկին Զոհրաբյանը հայտարարեց. «Ի դեպ, այն դաստիարակչական նկատողությունը, որ տրվեց փոխոստիկանապետին, մեկ բանի մասին է վկայում՝ քաղաքական մեծամասնությունն է կրում տեղի ունեցածի ողջ պատասխանատվությունը։ Այլապես, քաղաքական մեծամասնությունը պիտի ունենար այնքան քաղաքական կամք և համարձակություն՝ պաշտոնանկ անելու տվյալ փոխոստիկանապետին` գոնե որպես առաջին քայլ։ Նման քայլ չանելը քաղաքական մեծամասնության կողմից մեկ բանի մասին է վկայում՝ մե՛նք եք տեղի ունեցածի պատասխանատուն, այդպես արե՛լ ենք, այդպես անելո՛ւ ենք և այդպե՛ս ենք մենք շարունակելու խոսել մեր քաղաքական ընդդիմախոսների հետ»:
Տաթև ՀԱՐՈՒԹՅՈՒՆՅԱՆ
Տ Զոհրաբյան, Դուք էդ 3-րդ դասարանի մակարդակին էլ չեք ձգում,ճիշտն ասած, իսկ ինչ վերաբերում է շոուին, արդեն մի տարի է, «եռյակը» բացի շոու սարքելուց, ոչ մի օգտակար բան չի արել: Հերթական ընտրությունների ժամանակ մենք՝ ընտրողներս, անպայման հաշվի կառնենք այս ամենը: Չկասկածեք:
կասկածւմ ենք