Հունվարի 13-ին Կենտրոն և Նորք-Մարաշ համայնքների դատարանում դատավոր Արմեն Բեկթաշյանի նախագահությամբ շարունակվելու է Մարտին Միքայելյանին առաջադրված մեղադրանքով գործի քննությունը:
Ըստ մեղադրական եզրակացության՝ նա ավազակային հարձակման միջոցով ուրիշի գույքի հափշտակություն կատարելու դիտավորությամբ, «Էլիտ Պլազա» բիզնես կենտրոնի մոտ, հարձակում է գործել Դեվիդ Գարսիա Խուանի Էստրադայի վրա և վերջինս կյանքի ու առողջության համար վտանգավոր բռնություն գործադրելով ձեռքերով հարվածներ է հասցրել Դ. Էստրադայի գլխին և դիտավորությամբ առողջությանը պատճառել միջին ծանրության վնաս, ապա հափշտակել Դ. Էստրադային պատկանող` 2000 ՀՀ դրամ արժեքով մետաղյա դրամապանակը, որում եղել է 18000 ՀՀ դրամ կանխիկ գումար, 38.000 ՀՀ դրամ արժեքով «Բլեքբերի» ֆիրմայի բջջային հեռախոսը:
Ըստ «Դատալեքս» համակարգի՝ դրանից հետո դիմել է փախուստի` Դ. Էստրադային պատճառելով ընդհանուր զգալի չափերի` 58.000 ՀՀ դրամի գույքային վնաս: