«Բարգավաճ Հայաստան» կուսակցության առաջնորդ Գագիկ Ծառուկյանի նախաձեռնությամբ հունվարի 20-ին կանցկացվի խորհրդաժողով՝ քաղաքական կուսակցությունների, հասարակական կազմակերպությունների և քաղաքացիական նախաձեռնությունների մասնակցությամբ:
Խորհրդաժողովին մասնակցելու հրավեր հիմնականում ստացել են բոլոր այն կուսակցությունները, որոնք մինչ այժմ եռյակին և ավելի կոնկրետ՝ «Բարգավաճ Հայաստան»-ին սատարելու պատրաստակամություն են հայտնել:
«Առաջին լրատվական»-ի հետ զրույցում Ժողովրդական կուսակցության նախագահ Տիգրան Կարապետյանն ասաց, որ իրեն հրավիրել են մասնակցելու խորհրդաժողովին, և որ ինքն անպայման գնալու է:
Մեր այն հարցին, թե ինքը նախկինում կողմ էր հանրահավաքային պայքարին, ինչո՞ւ որոշեց մասնակցել դահլիճային մակարդակի միջոցառմանը, Կարապետյանը պատասխանեց. «Կլինի, հանրահավաք էլ կլինի»:
Կարդացեք նաև
Հետաքրքրվեցինք նաև, թե ի՞նչ ակնկալիք ունի խորհրդաժողովից, Տիգրան Կարապետյանը պատասխանեց. «Առաջարկելու ենք, որ համաժողովրդական շարժումը լիդեր ընտրի՝ դա անձամբ իմ առաջարկն է: Այդ լիդերը պետք է լինի Ծառուկյանը»:
Հրապարակումն ամբողջությամբ կարող եք կարդալ` 1in.am-ի կայքում: