Հայաստանի հանրապետական կուսակցության Գործադիր մարմնի այսօրվա նիստում անդրադարձ է եղել Գյումրիում Ավետիսյանների ընտանիքի սպանդին: ՀՀԿ ԳՄ նիստից հետո լրագրողների հետ հանդիպմանն այս մասին հայտնել է ԱԺ փոխխոսնակ, ՀՀԿ մամուլի խոսնակ Էդուարդ Շարմազանովը:
«Գյումրու դեպքը ողբերգություն է բոլորիս համար, բայց իրականացնողը ձերբակալվել է, իրականացնողը ստահակ և տականք է, բայց միևնույն ժամանակ՝ չեմ կարծում, որ զգացմունքներին պետք է տրվենք, հուզականության չափաքանակի ավելացումը որևէ օգուտ չի տա գործին: Սա իրավական խնդիր է, և անհարկի քաղաքական գնահատականները որևէ մեկի շահերից չեն բխում»,-ասել է նա:
Շարմազանովը շեշտել է, որ ժողովրդի անհանգստությունը, վրդովմունքը հասկանալի է, բայց կոչ է արել հանդարտության. «Կոչ եմ անում հանդարտության, հանգստության, ողբերգությունը եղել է, և դրա վրա թշնամիներ փնտրել պետք չէ մեր երկրում, այս ամենը ժողովրդի շահերից չի բխում»:
Շարմազանովը նշել է, որ «տականքը ազգային պատկանելություն չունի. «Նաիրի Հունանյանը ի՞նչ ազգ էր, Հունանյան եղբայրները ռու՞ս էին, թե՞ այլ ազգի ներկայացուցիչ: Խնդրանքս է՝ մեծ ողբերգություն է եղել, բայց չի կարելի ավելորդ զգացմունքայնության տրվել»:
Կարդացեք նաև
Նյութն ամբողջությամբ՝ սկզբնաղբյուր կայքում
Դու հիմա հայ ե՞ս, թէ՞ յոյն 🙂