Ադրբեջանի կառավարությունը հրաժարվել է Բաքվում ԱՄՆ նոր դեսպանատուն կառուցելու վերաբերյալ Վաշինգտոնի հետ ավելի վաղ ստորագրած պայմանագրից: Դա տեղի է ունեցել 2013 թվականի ընտրությունների արդյունքների վերաբերյալ Վաշինգտոնի հնչեցրած քննադատությունից անմիջապես հետո: Այս մասին «Թուրան» գործակալությանը հայտնել է անանուն դիվանագետը:
Դրանից հետո՝ 2014 թվականի փետրվարին, պետքարտուղար Ջոն Քերին Իլհամ Ալիևին նամակ էր հղել և համագործակցության կոչ արել: Գործակալությունը գրում է, որ դեսպանությունը վաղուց նոր շենքի կարիք ունի, իսկ 100 տարի առաջ կառուցված շենքը, որտեղ այժմ գտնվում է ԱՄՆ դեսպանությունը չի համապատասխանում անհրաժեշտ պահանջներին:
«Ադրբեջանի կառավարությունը բազմիցս խափանել է նոր շենք ունենալու դեսպանատան ջանքերը», – ասվում է ԱՄՆ Պետդեպարտամենտի 2014 թվականի մարտ-ապրիլ ամիսների հաշվետվությունում:
Հրապարակումն ամբողջությամբ կարող եք կարդալ` «Ազատություն» Ռ/Կ-ի կայքում:
