«Ունիսոն» հ/կ-ի հանրային կապերի պատասխանատու Մարիաննա Չալիկյանը Aravot.am-ին տեղեկացրեց, որ դատի է տվել ՀՀ բժշկասոցիալական փորձաքննության (ԲՍՓ) գործակալությանը՝ իրեն հաշմանդամության խումբ նշանակելու պահանջով:
Նա հայտնեց, որ փետրվարի 3-ին վարչական դատարանում կկայանա երկրորդ նիստը:
«Բժշկասոցիալական փորձաքննության կողմից բերվում է պատճառաբանություն, որ եթե տվյալ անձը չունի անաշխատունակության թերթիկ, չի կարող դիմել հաշմանդամության խմբի համար: Մինչդեռ դա պարտադիր պահանջ չէ թղթերի ներկայացման պարագայում: Դրա համար էլ դիմեցի դատարան: Իրենք նույնականացնում են հաշմանդամությունն ու անաշխատունակությունը, իսկ մենք ապացուցում ենք, որ հարմարավետ պայմանների ստեղծման պարագայում ցանկացած հաշմանդամություն ունեցող անձ կարող է լիարժեք ներգրավել աշխատանքային մթնոլորոտում»,- ասաց տիկին Չալիկյանը:
Նա անհիմն որակեց ԲՍՓ-ի այն պահանջը, որ երեք ամսվա անաշխատունակության թերթիկ ունենալու դեպքում միայն մարդը կարող է դիմել հաշմանդամության խմբի սահմանման համար. «Իրենց տեսանկյունը հիմնվում է այն բանի վրա, որ եթե մարդը լուրջ խնդիր է ունենում, ստիպված բացակայում է, բայց դա չի նշանակում, որ մարդու ունի խնդիր եւ չի բացակայում, ուրեմն դիմելու իրավունք չունի: Ի՞նչ է, մարդը, օրինակ, ոտք չունենալով հանդերձ պետք է երեք ամիս բացակայի՞, որ ապացուցի, որ հաշմանդամության խումբ ստանալու հիմքեր ունի»:
Կարդացեք նաև
Գոհար ՀԱԿՈԲՅԱՆ
Մարիաննա Չալիկյանը (կենտրոնում)
