Արդարադատության նախարարության «Վարդաշեն» քրեակատարողական հիմնարկի դատապարտյալ Հայկ Վարդանյանը անցյալ տարվա նոյեմբերի 16-ին դիմել էր միջգերատեսչական բժշկական հանձնաժողովին, որպեսզի եզրակացություն ստանա, թե արդյոք իր հիվանդությունը համապատասխանում է կառավարության հաստատված ցանկին:
Նրան միայն դեկտեմբերի 26-ին ուղարկել են Մալայանի անվան ակնաբուժական կենտրոն:
Նրա պաշտպանը՝ Արտավազդ Փարսադանյանն Aravot.am-ին ասաց, որ ակնաբուժական հիվանդանոցը տվել է եզրակացություն, համաձայն որի դատապարտյալի հիվանդությունն անբուժելի է, վիճակը ծանր է, ունի խնամքի կարիք:
Նրա մի աչքն ընդհանրապես չի տեսնում, մյուսի տեսողությունն էլ մեկ տոկոս է:
Սակայն ուշադրության արժանի է այն, որ ըստ փաստաբանի, ոչ արդարադատության նախարարությունը, ոչ քրեակատարողական հիմնարկը չեն պատասխանել դատապարտյալին, ընդամենը տեղեկացրել են, թե նրա հարցը քննարկման փուլում է: Իսկ թե ինչքան կտեւի քննարկումը, հայտնի չէ:
Կարդացեք նաև
Դատապարտյալը մտադիր է առաջիկա օրերին պատասխան չստանալու դեպքում դիմել հացադուլի, ջրադուլի: