Երեւանյան որոշ դպրոցներում առկա է, այսպես կոչված, «ժառանգականության» գործոնը, տնօրեն մայրերին փոխարինել են տնօրեն դուստերը կամ այլ հարազատներ:
Մասնավորապես Պուշկինի անվան թիվ 8 դպրոցի տնօրենն է նախկին տնօրեն Մարիետա Մատղաշյանի դուստրը՝ Նատալյա Ստեփանյանը, թիվ 66 դպրոցի տնօրենն է Զարուհի Այվազյանը, որը քաղաքապետարանի կրթության վարչության նախկին պետի նախկին տեղակալ Արմինե Վարդանյանի դուստրն է:
Սմբատ Բյուրատի անվան 125 դպրոցում տնօրենի ժամանակավոր պաշտոնակատարը ՀՀԿ-ական պատգամավոր Ռուզան Մուրադյանի դուստրն է՝ Լիլիթ Անտոնյանը:
Թիվ 12 հատուկ դպրոցի տնօրենի ժամանակավոր պաշտոնակատարն է 114 դպրոցի տնօրեն Ռուզան Կոստանյանի դուստրը՝ Նաիրա Կոստանյանը:
Նիկոլ Աղբալյանի անվան թիվ 19 դպրոցի տնօրենը՝ նախկին տնօրեն Հասմիկ Ղարիբյանի դուստրն է: Ցանկը կարելի է շարունակել:
Բնականաբար, նաեւ փաստ է, որ այս կանայք ունեն hանրակրթական ուսումնական հաստատության ղեկավարման իրավունք (հավաստագիր):
Գոհար ՀԱԿՈԲՅԱՆ
Գոհար ջան, այս ինչ անխիղճ քայլ արեցիր: Բա որ հանկարծ նոր կազմավորված հակակոռուպցիոն հանձնաժողովն այս հոդվածդ կարդա, ինչ կլինի այդ խեղճ տնօրենների վիճակը:
Մնում է մի ճանապարհ` ծնողներով աղոթենք, որ մեր երեխաների դպրոցները ղեկավարող մայր և դուստր տնօրենները նման հոդվածներից հետո պրոբլեմներ չունենան: Որ նրանք մեր և մեր երեխաների գլխից միշտ անպակաս լինեն: