Ձեռք բերված ապացույցներից իրավապահները եզրակացրել են, որ Արտակ Խաչատրյանի առեւանգման մեջ խառնված է ԲՀԿ-ական պատգամավոր Աբրահամ Մանուկյանի որդին՝ Արթուր Մանուկյանը, որը Երեւանի նախկին ոստիկանապետ Ներսես Նազարյանի փեսան է։ Բայց առեւանգման պատճառը ոչ թե քաղաքական է, այլ՝ անձնական։ Հնարավոր է՝ եղել են ֆինանսական բնույթի հարցեր։
Արտակ Խաչատրյանը ասաց, որ Արթուր Մանուկյանի հետ ուղղակի մի քանի անգամ հանդիպել է. «Ուղղակի մի քանի անգամ կուսակցական միջոցառումների ժամանակ հանդիպել եմ, որեւէ անձնական խնդիր չունենք։ Աբրահամ Մանուկյանի հետ եւս խնդիր չեմ ունեցել, նրա հետ ավելի շատ եմ շփվել, բայց էլի խնդիր չեմ ունեցել»։
Գործի շրջանակներում մեղադրյալներ չկան, ինքը լրատվամիջոցներից է իմացել, որ Աբրահամ Մանուկյանի որդին հարցաքննվել է, այնուհետեւ լքել Հայաստանը։
Դրանից բացի, ոստիկանները տեղազննություն էին կատարել Աբրահամ Մանուկյանի տարածքում՝ «Տեցի կռուգում» գտնվող Հայկոոպի բազայում։
Կարդացեք նաև
Անի ԱՌԱՔԵԼՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
