«Nhlbi.nih.gov» կայքն անդրադառնալով այն հետազոտությանը, թե ինչու են մարդիկ գիրանում, առանձնացրել է գիտնականների ուսումնասիրությունը՝ կապված քնի նորմայի խախտման հետ: Ըստ այդ հետազոտության, քնի պակասը կարող է գիրանալու վտանգ առաջացնել: Ուսումնասիրվել է դեռահաս, որն ամեն օր կորցնելով լիարժեք քնի մեկական ժամ, ավելի է գիրացել: Գիտնականներն այս երեւույթը բացատրում են նրանով, որ այն մարդիկ, որոնք քիչ են քնում, այդ ժամերին քաղցի զգացողություն են ունենում եւ ավելորդ սնունդ ընդունելով, որը, ի դեպ, կալորիաներով եւ ածխաջրերով ավելի բարձր է, հանգեցնում է ճարպակալման: Քնի նորմայի խախտման պատճառով ճարպակալման ռիսկը նկատվում է նաեւ տարբեր տարիքային խմբերում:
Քունը օգնում է պահպանել առողջության հավասարակշռությունը, որը ստիպում է ձեզ զգալ կամ կուշտ, կամ սոված:
Քունը մեր օրգանիզմի ինսուլինի, հորմոնի մակարդակը վերահսկում է, որն էլ ապահովում է արյան մեջ համապատասխան քանակի գլյուկոզան՝ շաքարի մակարդակը: Քնի բացակայությունն, ըստ մասնագետների, օրգանիզմում բարձրացնում է շաքարի մակարդակը, որն էլ կարող է մեծացնել շաքարային դիաբետով հիվանդանալու ռիսկը:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
13.03.2015
