«Իրազեկ Քաղաքացիների Միավորումը» Հայաստանին տրամադրվող միջազգային դրամաշնորհների հետ կապված հետաքննության սահմաններում ՀՀ Էներգետիկայի նախարարության աշխատակազմի ղեկավարից ստացել է մի տեղեկանք, որում զետեղված են մի շարք հիմնարկների ստացած արտասահմանյան դրամաշնորհները:
Ըստ այդ տեղեկանքի, 2011 թվականին Իրանի Իսլամական Հանրապետությունը «Հայռուսգազարդ» ընկերությանը տրամադրել է 2 միլիոն դոլարի դրամաշնորհ՝ Սյունիքի մարզի Մեղրի և Ագարակ քաղաքներում բնակչության համար գազամատակարարման ցանց կառուցելու նպատակով: Մասնավորապես, ծրագիրը նպատակ էր հետապնդում բնակարաններ բնական գազ մատակարարելու միջոցով բարելավել այդ քաղաքների բնակիչների սոցիալական վիճակը և պակասեցնել տարածաշրջանում անտառահատումները:
Սակայն, ոչ Մեղրիի և ոչ էլ Ագարակի բնակիչները առ այսօր բնակարաններում բնական գազ չեն ստացել: Այդ քաղաքների քաղաքապետարաններից «Իրազեկ Քաղաքացիների Միավորմանը» հայտնեցին, որ այդ տարածքում գազաֆիկացված են միայն զորամասերը և գազալցակայանները, իսկ բնակչության համար գազամատակարարման ցանցի կառուցում «չեն նկատել»:
Կարդացեք նաև
Ձեռք բերված նյութերը «Իրազեկ Քաղաքացիների Միավորումը» առաջիկայում կփոխանցի իրավասու մարմիններին՝ իրանական 2 միլիոն դոլարանոց դրամաշնորհի ճակատագիրը պարզելու նպատակով:
«Իրազեկ Քաղաքացիների Միավորում»
