«Այլընտրանք չկար»,- լրագրողների հետ զրույցում, անդրադառնալով էլեկտրաէներգիայի սակագնի բարձրացմանն, ասաց էներգետիկայի եւ բնական պաշարների նախարարի տեղակալ Արեգ Գալստյանը:
Նա ընդգծեց, որ ստեղծված իրավիճակում էլեկտրաէներգիայի սակագնի բարձրացումն ամբողջությամբ հիմնավորված էր. «Դա պարտադրված սակագնի բարձրացում էր, որպեսզի կարողանանք փրկել ստեղծված իրավիճակը»:
Հարցին, թե երաշխիքներ կա՞ն, որ հաջորդ տարի սակագինը չի բարձրանա, նա ասաց. «Ոչ մեկ չի կարող երաշխիքներ տալ, ես ուզում եմ, որ այդպես լինի, որ մենք թերարտադրումներ չունենանք ատոմակայանում: Շատ կուզեմ, որ մենք ունենանք հուսալի, մշտական, լավ որակով աշխատող ատոմակայան, որովհետեւ դա մեր համար փրկություն է»:
«Ոչ թալանին» նախաձեռնությունը հունիսի 19-ին նստացույց էր հայտարարել մինչեւ երկուշաբթի՝ հունիսի 22-ը ժամը 19-ը: Նրանք պահանջում են էլեկտրաէներգիայի սակագնի բարձրացման որոշումը կասեցնել, հակառակ դեպքում՝ նստացույցի ավարտից հետո կշարժվեն նախագահական նստավայր:
Կարդացեք նաև
Aravot.am-ը Արեգ Գալստյանից հետաքրքրվեց, թե արդյոք հիմնավորված է նախաձեռնության պահանջը, նա ասաց, որ սակագնի բարձրացումը հիմնավորված է: Մեր ճշտող հարցին՝ այսինքն՝ նախաձեռնության պահանջն անհի՞մն է, նա պատասխանեց՝ այո՛:
Ամի ՉԻՉԱԿՅԱՆ
Հավանաբար, ի պաշտոնե՝ նա իր մասնաբաժինը ունի այդ թալանի մեջ.